Home General Investigacion ta mustra cu Oilspill na Aruba tabata di Trinidad

Investigacion ta mustra cu Oilspill na Aruba tabata di Trinidad

32
0
SHARE
- Advertisement -

Resultado di Laboratorio ta confirma

ORANJESTAD   (AAN): Awor aki, pa loke ta e OilSpill procedente di Trinidad, ainda ta bezig cu parti laboratorio. Gastonan a cuminsa drenta. Ta trahando full un rapport pa por ofrec’e pa e proceso di claim pa esun cu a susha Aruba  cuminsa.

Ta un trayecto largo pa cana segun Rino Hermans di Rampen Bureau. Tin cu prueba cu esun cu a susha of di unda ta sospecha cu el a leak, cu ta di dje e ta y esey a keda cla na laboratorio. Tur cos a wordo getest.

Ta trahando e rapport pa e gasto y kende lo bay page. Ta e compania caminda e incidente a sosode. Ta un trayecto cu ta canando caba y ainda ta canando den e ultimo lunanan aki, pero na nivel regional. Rampattack ta yudando den esaki, Hermans a splica.

Esaki ta di Petrotrin. Esaki a keda comproba for di laboratorio cu ta for di nan e sushedad ta bin.

Na comienso Petrotrin no a reconoce esaki. Pero den mundo di petroleo asina e ta bay. Tin cu comproba cu e badgenan ta cuadra cu otro. Durante e tres testnan di laboratorio a bin comproba cu ta di nan e ta. Eynan ta bezig cu rampattack awo. Nan ta lidera e investigacion aki.

Hermans a comenta cu tin un prijskaartje cu nan ta bezig ta compilando cu ta hopi halto. E ta core den seis cifra. No mester lubida cu a cera parke pa algun siman. Eynan tabata tin influencia riba su entrada y ta tur eseynan tin cu compila.

Pero tin e expertonan di Rampattack cu ta yudando compila e rapport. Nan tin e experticio den esey y ta un claim internacional cu tin cu brinda na Hulanda y Asuntonan Exterior. Tin un caminda basta largo pa cana.

E badgenan cu a sali for di laboratorio, ta gewoon con ta bay haci’e si ta e compania lo paga e gastonan of ta e gobierno di Trinidad lo haci’e. Rampattack ta e broker den e region pa maneha e situacion aki pa Aruba. Ta den contacto cu rampattack y nan ta intermedia pa Rampenbureau.

Corsou y Boneiro tin cu cana e mesun caminda cu Aruba. Boneiro tin cu raporta na Hulanda. Nan tin nan caminda pa cana. Pero Corsou y Aruba ta canando e mesun caminda, atrabes di Rampattack cu ta asisti nan pa esaki.

 

- Advertisement -

DUNA COMENTARIO

Please enter your comment!
Please enter your name here