Home Salud IVA cu presentacion ‘Kwetsbare Ouderen’ na celebracion Dia di Enfermeria di Colegio...

IVA cu presentacion ‘Kwetsbare Ouderen’ na celebracion Dia di Enfermeria di Colegio EPI

13
0
SHARE
- Advertisement -

ORANJESTAD (AAN): Dia 12 di mei 2018 ta Dia Internacional di Enfermeria. Pa celebra e dia aki, e studiantenan di EPI Unidad Salubridad y Servicio a organisa un mainta educativo cu diferente oradornan den e ramo di salubridad publico na Aruba, incluyendo Inspectie Volksgezondheid Aruba (IVA).

E tema di e mainta tabata ‘Kwetsbare Ouderen’, pues a pone enfasis riba nos grandinan y casnan di cuido na Aruba. Durante e mainta aki Inspectie Volksgezondheid Aruba (IVA) a comparti e resultadonan general di e inspeccionnan cu a wordo haci na tur casnan di cuido na Aruba den e lunanan di maart y april ultimo.

Un di e puntonan cu a sali di e inspeccionan ta cu mester di mas personal cualifica na e casnan di cuido. Esaki ta nifica cu tin entre otro necesidad pa mas enfermero y enfermeranan.

E studiantenan di EPI a presenta un estudio propio tambe unda cu nan a bishita un paar di casnan di cuido na Aruba pa investiga e situacion actual y unda mester mehoracion.

E resultadonan aki sigur ta beneficial pa IVA y ta indica e importancia pa traha hunto y comparti informacion cu otro.

IVA kier a gradici e studiante y docentenan di EPI Unidad Salubridad y Servicio pa e invitacion y alaves kier a desea nan un feliz Dia di Enfermeria como e futuro enfermero y enfermeranan di Aruba.

 

 

- Advertisement -

DUNA COMENTARIO

Please enter your comment!
Please enter your name here