Home Social Kiwanis Young Professionals Aruba a presenta evento “ The GoldMine Era”

Kiwanis Young Professionals Aruba a presenta evento “ The GoldMine Era”

63
0
SHARE
- Advertisement -

ORANJESTAD  (AAN) — Despues di simannan di preparacion y anticipacion, Dialuna April 30, 2018, Kiwanis Young Professionals Aruba (KYPA) a tene nan evento pa recauda fondo ‘A Night of Glamour: The GoldMine Era’.

E anochi diferente y unico aki a tuma lugar na Plaza Padu caminda cu esnan cu tabata presente por a disfruta di un anochi yena cu ambiente cu entretenimento di DJ Sky, e bandanan local cu ta Buleria y D’-Licious y tambe como sorpresa Aruba su Soca Monarch, T-Money Tony Mingo, Maryann Geerman-Rodriguez, Ezra y tambe “It’s All About Love” Freddy Rasta cu a sa di anima e publico completo y asina duna e evento un toque peculiar.

Kiwanis Young Professionals Aruba ta tuma e oportunidad aki pa asina gradici sigur e companianan cu a sostene e evento aki y cu tambe a hasi esaki posibel y contribui por medio di paketenan ofreci.

KYPA ta hopi agradeci na un y tur cu a contribui na e evento aki paso ta por medio di e fondo recauda na e eventonan aki, KYPA ta logra ehecuta diferente proyectonan durante aña.

Dos proyecto cu sigur lo wordo realiza den e siguiente simannan ta un documentario di e tema di ‘Human Trafficking’ cu ta un colaboracion entre KYPA y Switch Foundation pa asina concientiza nos comunidad y specialmente e hobennan.

E otro proyecto lo ta Placa Chikito cu ta un programa pa asina educa y concientiza e muchanan con pa maneha placa na un manera mas eficiente y efectivo por medio di lesamento. E proyecto aki ta hunto cu un di Aruba su autornan mas popular.

Un biaha mas, masha danki y nos ta sigur cu e siguiente evento lo ta uno diferente y yena cu ambiente un bes mas.

- Advertisement -

DUNA COMENTARIO

Please enter your comment!
Please enter your name here