Home Social Kiwanis Young Professionals ta celebra 7 aña di existencia

Kiwanis Young Professionals ta celebra 7 aña di existencia

22
0
SHARE
- Advertisement -

ORANJESTAD   (AAN):  Kiwanis Club of Young Professionals Aruba (KYPA), a wordo funda na aña 2011 y ta celebra su di 7 aniversario. E club a wordo funda cu apoyo di Kiwanis Club of Palm Beach ora a realisa cu tin espacio pa un tercer club di adulto na Aruba. KYPA a wordo crea cu e meta pa e grupo di young professionals cu tin den e comunidad di Aruba. Desde e tempo cu e club a lanta te cu awe ta continuamente tin contribucion nan positivo ta tuma lugar y dunando bek na e comunidad di Aruba.

Awe despues di 7 aña KYPA por mira atras riba 7 aña di trabow duro y hopi dedicacion, pa asina aki por duna contenido na e meta principal cu ta sirbi e mucha nan den comunidad di Aruba. Durante e 7 aña diferente projecto a wordo realisa pa nos muchanan, entre otro: Christmas-in-a-box, Big Brother Big Sister Project, Dia Internacional di Mucha, Back2School, Plaka Chikito, fiesta di Sinterklaas y varios projecto mas.

KYPA tambe a participa na varios projecto di Aruba Doet y hunto cu tur otro club di Kiwanis na Aruba na K-One Day. KYPA cu su meta ta pa contribui na e muchanan di nos comunidad y ta kere firmemente den e desaroyo educacional y personal di nos muchanan, a tuma e decision na aña 2014 pa funda y apoya e Club di K-kids di Princess Amalia basisschool. Asina aki tambe KYPA ta contribui na sigui crea lider nan pa futuro den nos comunidad cu lo ta un aporte positivo.

KYPA kier a gradici pueblo en general pa e respaldo durante e ultimo 7 aña y cu mesun entusiasmo ta spera di por sigi conta cu e sosten y contribucion pa e aña nan venidero. KYPA kier a gradici tur compania cu a contribui cu KYPA durante e ultimo 7 aña nan. KYPA kier a gradici specialemente e siguiente companianan cu durante tur e 7 aña cu a transcuri a sa di contribui continuamente cu KYPA, entre otro: Elite Productions, CMB, Aruba Bank, Tropical Bottling Company, Gianni’s Group, ClickPrint y prensa en general.

 

 

- Advertisement -

DUNA COMENTARIO

Please enter your comment!
Please enter your name here