Home Comercio KvK hopi contento cu nan prome Business Kick Off tabata un exito

KvK hopi contento cu nan prome Business Kick Off tabata un exito

17
0
SHARE
- Advertisement -

ORANJESTAD (AAN): Camara di Comercio y Industria Aruba (KvK) a tene un evento organiza specialmente pa e empresario cu a caba di registra su negoshi e aña aki. E idea tras esaki a origina despues cu The Lab y CATC a acerca KvK cu e sugerencia pa brinda e empresario nobo mas informacion y tools cu e por tin den su arseñal pa di e forma aki cuminsa su negoshi cu un base mas solido.

KvK ta mira e importancia pa por brinda e empresario tur loke e tin mester y di e forma aki a crea un programa pa e anochi caminda e empresarionan nobo a worde invita. E evento aki ta posibel danki na e aporte di tur e oradornan y tambe sponsor Pepia Est cu a trece diferente biña pa acompaña e session di networking di e anochi aki.

E intencion di KvK ta pa organiza e evento aki mas frecuente pa aña y invita empresario cu recien a registra su prome negoshi. E empresarionan cu a atende e evento a aplaudi e iniciativa y a haya e informacion cu a worde presenta sumamente valioso. Ademas a haya e oportunidad pa crea miho contacto y haci preguntanan relaciona cu diferente aspecto di haci negoshi cu esnan presente.

Directora di KvK, señora Sonja Velthuizen a hiba palabra di bon bini sigui pa sr. Ernst Mohamed, Presidente di Directiva di KvK.

Durante e anochi a duna diferente presentacion di interes pa e empresario: Qredits a duna informacion encuanto financiamento; CATC a splica encuanto administracion di negoshi; The Lab a elabora riba marketing y social media; Departamento di Impuesto a discuti e topico di impuesto pa negoshi y Sagicor Life Aruba a trece dilanti e importancia di seguro.

Den e auditorio tambe tabata presente algun companianan cu nan booth pa brinda mas informacion na e empresario. Asina por menciona: Action Coach; Juju Events; Pepia Est; HFT Treasury & Accounting Services N.V.; Manrique Capriles y Qredits.

E empresarionan a elogia e evento y a keda hopi agradecido cu e oportunidad unico aki di ricibi informacion y crea lasonan comercial cu sigur lo yuda nan den nan empeño comercial.

KvK ta pone pa organiza e evento aki mas frecuente pa aña banda di su eventonan di Business Plaza cu e intencion di yuda tur comerciante segun na ki etapa nan por ta cu nan negoshi.

- Advertisement -

DUNA COMENTARIO

Please enter your comment!
Please enter your name here