Home Policial Ladronnan a tira para y bay cu 2 schoudertas y un hueptas

Ladronnan a tira para y bay cu 2 schoudertas y un hueptas

95
0
SHARE
- Advertisement -

ORANJESTAD (AAN): — Central di polis dialuna pasa di cinc’or y pico di marduga a instrui patruya Oranjestad  pa nan bay direccion di low rise hotel relaciona cu ladronicia.

Patruya un rato despues a presenta na e hotel y e denunciante sa wordo atendi. E homber di inicial S. a declara na e agentenan cu riba 14 Mei 2018  pa alrededor di cinc’or mas diez cinco minuut di marduga e tabata na caminda pa trabao.

Ademas S ta declara cu e tabatin un hueptas na su schouder robez. Cu forza e tas encuestiona wordo ranca pa un homber desconoci, color scur cu estatura di mas o menos 1.8 5 mtr largo  y cu cabey “kroes” corta.

E homber encuestion tabata bisti cu carson largo color blauw y un T-shirt blauw cla.

Despues di e atraco cometi e homber desconoci a core bay direccion panort.

Tabata tin mas o menos 300 florin Arubano, Identificacion Arubano, Rijbewijs Arubano, Paspoort Hulandes, buki banco /debit y credit card, camara Fuji  color di plata, carchi Arubus, carchi AZV y un charger marca Samsung den tas.

E descripcion di e sospechoso ta cuadra cu e conocido choller G.C.  Frecuentemente e ta circula den e area. E caso tin pleno attencion di autoridad.

Mientras tanto na altura di un Low Rise Hotel na Eagle Beach, presencia di polis a wordo rekeri debi cu ladronicia lo a tuma lugar.Na yegada polisnan a papia cu e homber di inicial M. cu ta Attendant na e hotel en cuestion. El a declara cu dialuna entre 4 or y 4 or y 30 atardi  desconoci (nan) a horta y bay cu su schoudertas cu contenido. Den tas di denunciante tabatin entre otro rijbewijs Arubano, carnet di Dimas, cellular Samsung modelo J-7 prime, Iphone 5,  yabi auto y un mobilofoon di e hotel.

Segun M. e tabata ruimop e stulnan riba beach ora esaki a sosode.

Keho ta tuma y no ta exclui pa medio di “Find My Phone” e ladronnan lo por wordo localiza y detene. Tin polisnan ta experto pa localiza sierto celullarnan. Recien a logra localiza un cell den apartamento “Matadera” esun cu a tira para riba e cell a pidi “Pordon” pa evita e doño entrega denuncia y hasta e por a perde su trabao.

 

- Advertisement -

DUNA COMENTARIO

Please enter your comment!
Please enter your name here