ORANJESTAD (AAN) —Relaciona cu e programa di limpieza rond di Aruba cu a wordo instrui pa Gobierno di Aruba, hopi atencion ta wordo dedica tambe na esnan cu tin autonan bieu para ariba terenonan prohibi.
Asina un grupo di persona a acerca un mecanico na Savaneta, caminda na e parti pafo y pega cu e caminda, e tin varios auto cu mirando nan situacion, e autonan aki no lo wordo drecha mas y ta forma un mahos bista pa e bario y ta un peliger pa e automobilistanan.
Na momento cu e mecanico a tende e oferta di e departamentonan concerni, cu nan ta dispuesto pa lanta e autonan aki y haci e lugar limpi, e mecanico a bira hopi contento y a acepta mesora pa e departamentonan haci nan trabou sin problema.
Mesora e mecanico aki a core yama tres cliente cu a laga nan autonan staciona eyfo y a bisa nan bon cla, prome cu dialuna, nan mester bin busca nan autonan, sino ta te e dump di parkietenbos nan ta bay para. Esey ta mustra con e hendenan kier wak nos dushi Aruba limpi.
