Home Gobierno Lo clausura na MFA luna di celebracion di Papiamento cu anochi di...

Lo clausura na MFA luna di celebracion di Papiamento cu anochi di poesia pa adulto

11
0
SHARE
- Advertisement -

Dia 30 di Mei awor:

ORANJESTAD (AAN) – Minister Rudy Lampe, titular di Enseñanza y Desaroyo sostenible, den conferencia di prensa di gobierno, dialuna mainta, a elabora tocante e tema Papiamento.

E dignatario a bin cu tres invitado special, cu ta Parlamentario sra. Sue Ann Ras, y e docentenan Esther Stroucken y Arnoud Kwijpers, cu tambe a hiba palabra.

E mandatario a indica cu den e contexto di Aña di Papiamento, e luna di Mei awor ta dedica na Papiamento y specificamente pasobra a recorda cu 15 aña pasa Papiamento a keda oficializa como nos idioma materno, den e luna aki tabata tin diferente actividad, por ehemplo e Feria di Papiamento organiza pa Fundacion Lanta Papiamento, cu tabata un exito rotundo, como tambe un atardi di poesia pa hobennan, cual tabata un tremendo evento cu a mustra cu Papiamento tin futuro, pasobra e generacionnan nobo ta sigui expresa nan mes den nos dushi idioma Papiamento.

E mandatario a anuncia cu lo cera e luna aki, dia 30 di Mei na MFA Paradera, cu un anochi di poesia pa adulto. Minister Lampe mes lo declama un poesia, como homenahe postumo na sr. Henry Coffie, ken a skirbi su poesianan na Papiamento cu un estilo humoristico.

E anochi aki ta habri pa tur publico y lo clausura asina e luna di Mei di celebracion di pone Papiamento central.

 

 

 

 

- Advertisement -

DUNA COMENTARIO

Please enter your comment!
Please enter your name here