Home Hudicial Mañan tin sentencia den caso asalto arma fatal na Wayaca

Mañan tin sentencia den caso asalto arma fatal na Wayaca

78
0
SHARE
????????????????????????????????????
- Advertisement -

Hues lo confirma 25 aña di prison exigi pa Fiscal?

ORANJESTAD (AAN):  Mañan mainta Corte den Promer Instancia lo dicta sentencia den e lamentable caso di asalto arma na Wayaca, caminda a tira mata e dama Chines Shasha. Tratamento di e caso a tuma lugar na Maart 2018 caminda a scucha Fiscal exigi 25 aña di prison pa e dos sospechosonan esta e Boneireano J.P.E. y e Chines P.F. E sospechoso J.P.E. ta esun cu a tira Shasha mata. Durante tratamento di e caso el a bisa cu ta P.F. a bin cu e plan.

Dia 16 di Maart 2018, Hues a duna un sentencia intermedio caminda el a habri investigacion pa haya mas claridad. Hues a scucha e tata di e sospechoso Chines y tambe a scucha J.P.E. como testigo. Esaki a sosode luna pasa caminda J.P.E. a basha abou riba P.F.

TATA A GAÑA

Fiscal den Corte a bisa Hues cu despues di a scucha e tata di P.F., e ta conclui cu e tata a gaña. Fiscal ta haya cu e tata S.F. a gaña den Corte cu lo tin un bon relacion di famia, siendo cu en realidad no ta asina. Fiscal a mustra cu e chick di P.F. y e ruman homber grandi di P.F. a bisa cu tin problema familiar.

BASHA ABAO

Hues a puntra J.E. kico e ta pensa riba e defensa di P.F. cu ta bisa cu P.F. tin placa y no tin problema financiero. J.E. a bisa Hues cu P.F. tabatin mester di placa. El a bisa cu P.F. kier a divorcia di su señora y laga un cas na Morgenster pa su ex señora y yiu biba aden y e lo keda biba na Pivia Park. Segun J.E., P.F. a conoce un dama, pero e dama aki no por bay biba cerca dje hunto cu su mayornan. P.F. lo mester busca un otro lugar di biba. El a bisa cu P.F. mester di cen pa varios cos. Un parti di placa lo tabata pa paga impuesto di container cu a bestel. Gran parti di e placa lo tabata pa P.F. haya su mesun bida.

Segun J.E., el a compronde di P.F. cu e victima lo tabatin 10 mil florin y cu lo tin un safe cu placa. J.E. a bisa Hues cu P.F. no a bis’e cuanto placa tin den e safe.

Hues a mustra cu Fiscal a presenta informacion nobo. Algun dia despues di e atraco, a haya den camber un caha di placa cu 10 mil florin, diferente holoshi hopi caro entre otro Rolex. Tras di cortina den e camber a haya 60 mil florin. Segun J.E. e no a mira nada di esakinan pasobra e no a haya chens di busca. Loke el a haya den dos cartera tabata mas o menos 1000 florin.

INVESTIGACION

Hues a bisa cu for di investigacionnan cu Fiscal a haci ta mustra cu no tin placanan ta drenta y sali manera normal sa mira di negoshinan cu ta bay bon. Na opinion di Hues, esaki ta mustra cu e negoshi no ta bay bon. Hues a remarca cu tin cosnan hopi straño. Remarcabel ta cu ta deposita placa cash y mesun dia e placa ta wordo transferi pa otro cuenta. Huez a señala cu pa luna ta 9 transaccion so ta sosode.

 

- Advertisement -

DUNA COMENTARIO

Please enter your comment!
Please enter your name here