Home Gobierno Minister Dangui Oduber ta sostene e proyecto “Ban Cultiva”

Minister Dangui Oduber ta sostene e proyecto “Ban Cultiva”

20
0
SHARE
- Advertisement -

ORANJESTAD   (AAN):   Segun ‘World Health Organization’ e falta di actividad fisico y come saludabel ta factornan di riesgo grandi pa obtene un di e enfermedad cronico no transmitibel.

10-16% di cancer di pecho, cancer di intestino  y diabetes y 22% di tur enfermedad iskemico di curason rond di mundo ta debi na falta di actividad fisico. Segun e health monitor 15.1% di e arubano entre 25-65 aña ta categorisa den riesgo halto te extremadamente halto door di obesidad.

E prioridad di e gobierno aki ta pa pone e hende central. Como Minister di Salud y Deporte mi vision ta “hasi nos poblacion uno mas saludabel”. Un nutricion balansa y movecion ta cardinal pa logra e meta aki.

Un di e maneranan pa yega mas serka di nos hendenan ta por medio di e Centro di Barionan. Pa e motibo aki Minister di Salud y Deporte ta duna tur su cooperacion por medio di programanan di nutricion y actividad fisico den e proyecto “Ban Cultiva”.

E programa aki cu lo wordo ehecuta den diferente barionan riba diasabra entre 3.00 pm- 09.00 pm. Durante e orarionan aki lo tin diferente actividadnan relaciona cu diferente topiconan di importancia pa nos hendenan.

Pa cu e Ministerio di Salud y Deporte lo tin programanan interactivo cu lo enfoca riba nutricion. Durante e programma aki famianan lo por sera conoci riba un forma atractivo y interactivo kico nutricion saludabel ta  encera. Un ehempel ta un programa manera “siña lesa etiketa di cuminda”.

Riba tereno di actividad fisico lo tin diferente actividadnan di movecion divertido especialmente pa nos muchanan y hobennan entre 9-12 aña di edad.

Tambe e BUS di SALUD lo ta presente pa midi suku, presion y cholesterol di esnan presente. Nos lo bay tin un Praktijk Ondersteuner Huisarts (POH) presente cual ta specialisa riba e tereno di diabetes y malesanan cronico/ cardiovascular. Na momento cu detecta iregularidad den e datonan lo actua debidamente riba esaki.

E programa aki ta comienso di diferente programanan den e plan di prevencion di Ministerio di Turismo, Salud y Deporte.

Minister di Turismo, Salud y Deporte ta brinda tur su cooperacion na Minister di Asuntonan Social y Labor.

 

- Advertisement -

DUNA COMENTARIO

Please enter your comment!
Please enter your name here