Home Salud Minister di Salubridad Publico ta informa comunidad riba efectonan di humamento

Minister di Salubridad Publico ta informa comunidad riba efectonan di humamento

65
0
SHARE
- Advertisement -

Awe ta Dia Mundial sin Tabaco

ORANJESTAD   (AAN):  Dia 31 di Mei ta dia Mundial sin Tabaco. Tur aña World Health Organization (WHO) ta scoge pa concientiza diferente riesgonan cu humamento ta trece. Aña aki a concentra ariba problemanan cardiovascular.

Humamento ta causa daño na bo curpa manera cancer y malesanan cronico manera entre otro presion halto, stroke, infarto y dolor na bo pecho. Nicotina ta reduce e “caliber” di bo adernan locual ta causa cu bo presion ta subi.

Minister di Salubridad Publcio, Sr. Dangui Oduber kier informa y conscientisa e comunidad di Aruba di e efectonan cu e uzo di tabaco ta trece cune, pero alavez kier informa na unda mester acudi pa ricibi guia of haya informacion pa stop di huma.

Ministerio di Salubridad Publico kier haci enfasis tambe ariba resultadonan di un encuesta cu a wordo realisa entre hobennan di 12 – 19 aña na 14 scolnan secundario caminda a resulta cu 67% di e hobennan aki no a yega di papia over di e uzo di tabaco cu nan mayornan na cas. Tambe a resulta cu 5.5% di e hobennan aki a huma sigaria un biaha of mas den e ultimo 30 dianan. Barbaramente 48% di e hobennan aki a yega di huma prome cu nan 13 aña.

Cu esaki ministerio di salubridad publico kier pa mayornan y docentenan enfantisa mas ariba e efecto di uzo di tabaco entre e hobennan.

Aparte cu e mayornan tin cu conscientisa nan yiunan, mester corda tambe cu si e mayornan mes ta huma, nan ta exponiendo e muchanan na e huma cual ta convertinan den humado pasivo (second hand smokers), cu consecuencia pa:

– Aumenta infeccion na horea

– Aumenta crisis asmatico

– Aumenta riesgo pa bronchitis y pneumonia

– Sintomanan respiratorio

A base di esaki Minister di Salubridad Publico a logra pa diferente instancianan manera, FADA, IBiSA, KWF. Witgele Kruis, CAA, dokter di casnan y representantenan di Ministerio di Salud sinta hunto y trece claridad den nan funcion pa asina tin un mihor colaboracion.

Si un persona kier stop di huma e por acudi na su dokter di cas cu por dune tratamento pa esaki, si ta necesario. Cerca e POH (praktijk ondersteunende huisarts) e por haya conseho y un “motiverende gesprek”. E persona por haya guia tambe cerca Consultorio pa Asuntonan di Adiccion (CAA). Como alternativa tin dos otro instancianan na Aruba cual ta Aruba Hypnosis Center y tambe Agencia Adventista di Desaroyo y Recurso Asistencial) cu ta un organisacion humanitario. Si bo ta huma mas cu 10 biaha pa dia of bo ta huma dentro di e prome 30 minuutnan despues cu bo a caba di lanta for di soño, tin hopi chens cu bo lo cai den remarke pa medicamente por medio di bo dokter di cas.

Minister Dangui Oduber ta conseha pa esnan cu no ta huma, no cuminsa. Pa esnan cu ta huma, pa acudi nan a dokter di cas. Door di stop di huma, bo ta reduciendo e riesgo pa un evento vascular cu 70%.

Tambe Minister kier recorda cu tur persona tin e derecho di ta “SHS – Free” den areanan publico. E ley aki a wordo aproba y ta pendiente pa wordo ehecuta.  Pidi esnan cu ta huma rond dibo pa por fabor no huma den sercania di bo yiunan y/o di bo mes. Proteha bo mes di no bira victima di humado pasivo.

- Advertisement -

DUNA COMENTARIO

Please enter your comment!
Please enter your name here