Home Gobierno Minister Presidente wardando riba rapport di WEB tocante causa di “black out”

Minister Presidente wardando riba rapport di WEB tocante causa di “black out”

3
0
SHARE
- Advertisement -

ORANJESTAD (AAN) – E tema di coriente a bin dilanti den conferencia di prensa di Gobierno, den forma di pregunta di prensa, manera Prome Minister mr. Evelyn Wever-Croes a pidi pa e demas temanan pa trata den e ocasion aki.

E situacion di coriente, den fin di siman, un biaha mas a causa hopi molester tanto den pueblo como cerca gobierno. E mandatario a indica esaki.

E dignatario a señala cu ta iritante cu den un pais manera nos mester papia di interupcion di coriente, cu ta desestabiliza tur cos.

Esaki ta algo cu gobierno ta lamenta profundamente, segun palabranan di nos prome mandatario.

Prome Minister a declara cu el a tuma contacto cu WEB inmediatamente cu e black out a sosode, y el a pidi nan pa haci investigacion con esaki ta pasando cu demasiado frecuencia, y principalmente, pa nan bisa kico ta locual mester pasa pa esaki no sigui sosode, pasobra un cos ta investigacion pa constata e problema, y despues mester bin mesora e solucion.

E dignatario a subraya cu e investigacion aki ta andando, pero e no a haya ainda un reporte di e investigacion. Un bez cu e tine e lo comparti e informacion pero e mandatario ta kere cu ta na su lugar pa WEB comparti esaki cu comunidad, y splica kico ta loke ta sosodiendo.

E dignatario a puntra WEB si esaki lo tin di haber cu inversionnan atrasa, y esey tambe nan ta bay contesta den e raport cu e ta wardando di WEB.

Algo cu Prome Minister a ripara di e companianan di Utilidad en general, cu awor cu a dicidi cu gobierno no ta bay forza e companianan di utilidad pa sponsor asina tanto actividad di gobierno, manera esun anterior a exigi, pa nan ta un alivio y nan tin mas espacio financiero.

Prome Minister a expresa cu e Green Conference y tur e asuntonan green cu a tuma lugar na Aruba, nan financiamento hopi a bin di companianan manera WEB, ELMAR y Utilities, etc., y esey ya no ta e caso mas.

“Den e caso di coriente, mi tin cu bisa cu mi ta comparti e frustracion cu ta biba den e comunidad, e ta algo cu ta molestia mi masha hopi mes, e ta trece un falta di productividad enorme, y esey no ta loke nos tin mester. Mi ta wardando riba e investigacion y e ora ey nos ta bay wak kico nos ta haci”, Prome Minister a declara.

 

 

 

- Advertisement -

DUNA COMENTARIO

Please enter your comment!
Please enter your name here