Home Policial Motociclista a haya accidente na Malmok

Motociclista a haya accidente na Malmok

47
0
SHARE
- Advertisement -

ORANJESTAD   (AAN): Diamars den oranan di atardi Polis a wordo manda cu urgencia den direccion di Ritz Carlton pa un accidente den e area di Malmok. Polis di Strand Politie a yega prome. Eynan a haya un scooter benta banda di e Rooi y e motociclista tambe benta cabez abou.

E tabata mustra di tin basta sla na curpa. E tabata tin fractura y tambe sla paden. E tabata bayendo zuid y na dado momento a baha caminda dal den acera y sigui bay cay den e rooi. E tabata tin poco lodo tambe.

Ambulance a wordo pidi mesora. Polis di trafico tambe a yega. Mirando e seriedad di e motociclista a dicidi mesora di pidi Cuerpo Tecnico pa bin atende e asunto y saca poco potret y midi.

E motociclista ta A.S. di 57 aña. Algun testigo a conta kico nan a mira. Tambe algun conocir a yega na e sitio. Nan tabata un rato prome cu e motociclista na Boca Catalina. Nan tabata bebe y e motociclista tambe tabata dal drinks cu nan.

E tabata basta bebi y nan a bise cu nan ta hibe cas. El a keda insisti cu e mes ta bay cu e scooter y ningun hende por a impedi esey. Finalmente el a bay accidenta.

 

- Advertisement -

DUNA COMENTARIO

Please enter your comment!
Please enter your name here