Home Comentario Muhernan balente den construccion hasta transportando material den truck

Muhernan balente den construccion hasta transportando material den truck

87
0
SHARE
- Advertisement -

ORANJESTAD (AAN) – Den nos mercado laboral a surgi un espacio nobo den man di hende muher, specialmente muhernan balente cu ta mira den cierto trabaonan no con duro nan ta, sino un oportunidad.

Esaki ta e caso di hopi hende muher cu ta trahando den e sector di construccion awendia. Na cuminzamento cu e espacio aki a habri pa e ser femenino, tabata mas tanto damanan Latino tabata wordo mira haciendo trabao di construccion, manera verf, hala garoshi cu cement, pega bloki, etc. Pero tin indicacion cu aworaki tin damanan local cu tambe a incursiona den e labor aki.

Un orguyo hopi grandi pa mira con hende muher no ta dobla yora pasobra e mercado laboral ta satura segun tin hende ta bisa. No! Nan ta busca e oportunidadnan cu tin, y awendia hasta nan por yuda lanta nan propio cas.

Pero no ta solamente esey. Por mira chofernan femenino ta stuur truck cu materialnan di construccion cu ta carga pisa, pues trahando schouder cu schouder cu hende homber, riba un tereno pisa, kizas no di e bon paga ey, pero asina necesario.

E ta hopi positivo di mira cu tin hendenan muher, muy posible mama di famia, cu ta opta pa busca un trabao digno, sin importa cuanto forza y energia nan tin cu inverti den dje, na lugar di acudi na gobierno pa pidi bijstand.

Un aplauso pa e damanan aki!

- Advertisement -

DUNA COMENTARIO

Please enter your comment!
Please enter your name here