Home Gobierno Na Corsou a habri fronteranan pa motibo politico

Na Corsou a habri fronteranan pa motibo politico

175
0
SHARE
- Advertisement -

Segun ministro Chris Romero:

ORANJESTAD (AAN) – Den entrevista cu nos redaccion, Minister Chris Romero, titular di Transporte Publico y Comunicacion a declara cu enberdad Curacao a habri su fronteranan pa botonan Venezolano drenta cu nan productonan.

Esaki ta un decision cu e gobierno di nos Isla ruman a tuma den coalicion. Na Aruba, aunke tambe nos tin un gobierno di coalicion, tur minister ta para firme cu otro pasobra nos tur ta di acuerdo cu e no mester ta “business as usual” con e tabata.

“Nos sa cu tabata tin hopi cos iregular cu a tuma lugar y nos kier preveni esaki” e mandatario a expresa.

El a anuncia cu un delegacion di Aruba y un di Bonaire tambe a sali pa Curacao pa aya sinta na mesa hunto cu e delegacion di Venezuela, pa delibera y trece e reglanan cu ta bay wordo aplica.

E diferencia cu Curacao a habri e fronteranan pa motibonan politico cu nan tabata tin pero Aruba no, segun e dignatario a splica.

Pero esey no ta cambia kico ta bay wordo stipula den e Comisionnan cu ta reuniendo actualmente cu otro, ta den e puntonan cu a wordo treci dilanti y yega na acuerdonan ta loke lo wordo reforza eynan.

E mandatario a reitera cu na Curacao nan a habri frontera pa motibo politico, pero na Aruba esey lo no sosode.

Akinan mester wordo haci na un forma responsable y di acuerdo cu tur partnernan concerni.

E mandatario a splica cu den e MOU (Memorandum of Understanding) cu a wordo firma entre Hulanda y Venezuela, tin diferente articulo y pa e frontera por wordo considera habri mester cumpli cu diferente punto, y aworaki nan ta reuniendo riba dje.

E minister a indica cu e MOU a wordo firma pa habri e frontera, pero no por bisa cu e ta habri ainda pa motibo cu no por cumpli cu e tres articulonan cu ta hinca den e MOU.

Kiermen, mientras tanto cu no por cumpli cu e puntonan concerni, no ta acepta di ningun banda (Venezuela no ta laga e barconan ni Aruba ta laga nan drenta) si no por cumpli cu e puntonan di e articulonan pa despues no bin dal cera e fronteranan bek, pa otro motibonan cu nan ta por bisa riba nos, segun e mandatario.

 

 

 

- Advertisement -

DUNA COMENTARIO

Please enter your comment!
Please enter your name here