Home Tempo Nos lo tin un temporada di horcan mas activo cu normal

Nos lo tin un temporada di horcan mas activo cu normal

45
0
SHARE
- Advertisement -

Departamento di Calamidad ta alerta comunidad:

ORANJESTAD (AAN) – E aña aki ta bay tin  un temporada di horcan mas activo cu normal segun e expertonan cu ta pronostica y studia e region.

Den entrevista cu nos redaccion, sr. Rino Hermans, di Departamento di Calamidad a relata tocante e fenomeno di naturaleza aki.

El a bisa cu ta bay tin mas horcan di lo normal, kiermen lo premira mas di e 12 sistemanan cu generalmente ta haya nomber.

Loke a pasa cu St. Maarten aña pasa, tabata un les. Na luna di Juni, Departamento di Calamidad lo tin un training, di yegada di horcan, pasada di horcan.

Ta spera hopi movecion y lo tin shelternan e 24 oranan. Camindanan cu ta indica pa parti awa pa pueblo, tur esaki den cooperacion cu Marina. Ta bay wak con ta habri airport mas pronto posibel pa ricibi yudanza internacional.

Esaki en combinacion cu Defensa, pa asina wak kico falta riba nos isla, den caso cu un horcan pasa.

Irma tabata un les, den Reino y region Caribense. E meta ta di sali mas lihe posible di e situacion den caso cu un sistema asina pasa riba Aruba. Ta proyecta 14 horcan cu ta haya nomber, di cual 3 horcan grandi. Si e sistema pasa 100 miya leu mes, e ta causa un efecto. Hopi biaha nos tin e tendencia, cu e no ta dal Aruba. Pero e no mester dal Aruba, ya cu nos sistema di drenahe pa lama ta hopi zwak. Aruba mester ta prepara pa esey.

Departamento di Calamidad ta reuniendo tur siman cu tur e instancianan, cu for di Februari ta bezig ta train. Den e dianan aki ta enfoca completamente, riba e training na caminda.

Dia 25 di Juni tin e prome lazing na scolnan. Mester train e muchanan di jong, y purba na elimina e pensamento cu nada ta pasa na Aruba, atras. Ivan, oilspill, zeewiernan a laga un experiencia no agradable.
Tur hende mes uni pa atende cu e experencianan aki, segun Sr. Rino Hermans, director di Departamento di Calamidad.

 

- Advertisement -

DUNA COMENTARIO

Please enter your comment!
Please enter your name here