Home Parlamento Oposicion (AVP) ta sigui keda sin participa na reunionnan importante pa...

Oposicion (AVP) ta sigui keda sin participa na reunionnan importante pa Aruba

40
0
SHARE
- Advertisement -

Rocco Tjon:

ORANJESTAD (AAN): Parlamentario Rocco Tjon di fraccion di MEP no ta mucho contento cu e actitud di oposicion.

Durante e conferencia di prensa di e fraccion Dialuna el a expresa esaki.

“For di algun luna atras nos a hasi un invitacion na oposicion pa aporta y ta pro-activo pa bin cu solucionnan, si nan ta kere cu nan tin e solucion”.

“Te awe nos ta warda y pa colmo nan no ta ni presenta den e diferente comisionnan cu nos tin, pa yega na solucionnan”.

“Adicional, deliberadamente nan ta mal informa pueblo cu informacionnan cu ta circula, como  si fuera cu den e ley cu nos ta bay trata pronto, tin un aumento di awa y coriente hinca”.

Esaki segun Tjon, kende ta bisa cu esaki ta absurdo y cu e ta condena e actitud aki, pasobra awor ta un momento importante pa yega na un solucion duradero pa drecha e situacion na Aruba.

“Mi no sa si oposicion ta kere cu si nan grita duro e hecho ta cambia, cu ta debi na un mal maneho die  gabinete anterior nos ta den e situacion aki”.

“Quizas nan ta pensa cu si nan grita duro, e KB cu Mike Eman a haya pa ‘ondeugdelijkheid van bestuur’ ta desaparece”.

“Mi no sa ki intencion e hendenan aki tin, pero ta bisto si cu no ta nada bon”, segun e parlamentario, kende a indica cu e parlamentarionan di AVP a wordo invita pa ta presente na VNO pa e reunion cu e parlamentarionan di Gobierno tin, pero nan a scoge pa no bay.

“Ta bay trata puntonan hopi importante cu ta bay tin consecuencianan pa Aruba como pais y pa Reino Hulandes, pero nan ta scoge pa no presenta y hiba e politica anticua”.

“Esaki ta cosnan cu nos ta condena”, segun Tjon.

 

- Advertisement -

DUNA COMENTARIO

Please enter your comment!
Please enter your name here