Home Parlamento Pa gobierno logra su 10 miyon pa 2018

Pa gobierno logra su 10 miyon pa 2018

178
0
SHARE
- Advertisement -

Parlamentario Richard Arends

Gasolin lo por subi ainda cu 16 cen

ORANJESTAD(AAN)– Aumento di prijs di gasolin ta un hecho for di siman pasa caminda cu despues di hopi tempo, prijs di gasolin ta surpasa 2 florin pa liter y ta algo cu dificil pa por controla ora cu tuma nota di desaroyo riba mercado mundial, caminda prijs di combustibel ta aumenta debi na e demanda cu ta surgi debi na winter largo y e situacion cu tin na Venezuela cu ta pone cu e demanda ta mas halto.

Parlamentario pa fraccion di AVP, sr Richard Arends ta mustra sinembargo cu no ta na su luga pa transforma e desaroyo aki den un asunto politico manera den pasado oposicion tabata haci ora cu aumento di prijs di gasolin aumenta.

Ni tampoco bin cu promesanan di campaña falso caminda cu ningun hende tin control riba desaroyo di prijs di crudo riba mercado internacional.

“E prijs lo sigui subi den proximo lunanan pero loke ta preocupa nos fraccion sin duda ta cu den presupuesto, gobierno a calcula un entrada di 10 miyon florin extra pa loke ta trata accijns.

Pa logra e 10 miyon di florin ey den e di dos mita di aña, accijns lo tin cu subi cu 16 cen pa aña 2018 ainda, pues nos ta premirando un aumento drastico di prijs di gasolin, no solamente e aumento autonomo a base di e prijs riba mercado internacional, pero tambe e hecho cu gobierno ta calculando pa aumenta accijns pa por yega e 10 miyon di florin aki y esey ta ekivalente na 16 cen, si tuma e luna di juni te cu december pa loke ta sobra e aña aki.

E di dos preocupacion, nos ta bay bek na 10 aña pasa, na momento cu e BBO a wordo introduci den combinacion cu e crisis energetico cu tabata existi e tempo ey, a yega na inflaccionnan di mas cu 10% , algo cu nunca nos a yega di conoce y loke nos ta mirando aworaki, ta ripiticion di mesun scenario aki.

Bo tin un prijs di energia cu ta aumenta y un prijs di combustibel cu ta aumenta. No ta premira un crecemento economico,Banco Central a publica un dia despues cu presupuesto a wordo aproba, un crecemento economico di 1% pa loke ta trata aña 2018 sin tene cuanto e efecto di ‘crisisheffing’ of asina yama ‘coalitieheffing,’ como tambe e pakete di compensacion.

Nos no ta premira cu lo tin crecemento economico na 2018. Pues un combinacion di e dos factornan aki mas e aumento di BBO y BAZV, ta loke nos ta yama un ‘perfect storm’ atrobe, ripitiendo e situacion di 10 aña pasa  caminda bo no tabatin crecemento economico,  prijs di energia ta subi y gobierno ta introduci un BBO-BAZV cu ta afecta dor su efecto acumulativo, ta afecta tur hende, ta afecta cartera di tur famia, ta afecta e gastonan  di haci negoshi y esaki tin su repercusionnan atrobe pa e crecemento economico.

Nos lo bay sinti di biaha e poder inflatorio, no solamente di e prijs di gasolin, pero for di prome di juli tambe nos lo sinti’e pa loke a trata introduccion di e  ‘crisisheffing,’ cu ta hinca den presupuesto y cu lo tin su efecto riba prijs di gasolin tambe mirando cu e mayorista y detayista mester inclui e aumento aki den su prijs. “Ademas di e aumento di accijns, nos lo conoce un aumento di prijs di gasolin pa motibo di aumento di BBO y BAZV,” Parlamentario Richard Arends ta conclui.

“Mientras cu ningun gobierno tin control riba prijs di combustibel riba mercado internacional, gobierno si tin control riba medida cu e ta impone riba pueblo y empresanan.”

 

 

 

 

 

- Advertisement -

DUNA COMENTARIO

Please enter your comment!
Please enter your name here