Home Parlamento Pa Parlamentario Edgar Vrolijk CAFT no ta sirbi pa nada y mester...

Pa Parlamentario Edgar Vrolijk CAFT no ta sirbi pa nada y mester somenta y no bolbe nunca mas”

103
0
SHARE
- Advertisement -

ORANJESTAD  (AAN): Dialuna durante e conferencia di prensa semanal di fraccion di MEP, parlamentario Edgar Vrolijk a trece dilanti cu e siman aki ta un siman importante pa pueblo di Aruba, unda cu decisionnan mester wordo tuma pa cuminza cu e pasonan pa drecha e finanzas di Aruba.

Segun Vrolijk, mester pasa e asina yama Crisis Heffing den parlamento, unda cu pueblo atrobe ta wordo masacra, pa falta di bon gobernacion, transparencia y integridad di parti di Gobierno anterior.

El a indica cu Ex Prome Minister Mike Eman a hinca Aruba den e debe grandi cu e tin actualmente, pero e mes no ta duna cara.

“E mes ta keda scondi den su grot luhoso, di cual pueblo tin cu puntre ta con el a page y con el a haye”, segun Vrolijk.

E parlamentario di MEP a cuestiona e hecho cu parlamentario Marlon Sneek di AVP ta critica e medidanan cu MEP ta tumando, siendo cu e ta un di esnan cu a permiti pa Gobierno di AVP comete e desastre financiero, door di cual nan mes a bin cu varios medida.

“Tristo ta cu nos a cuminza 2018 cu 93% di GDP na debe y e ora ey bo ta puntra bo mes ta kico CAFT ta hasi”.

“Nos ta keda cuestiona CAFT, pasobra CAFT tabata e man drechi di Gobierno anterior, unda cu a permiti pa nan sigui ‘wheel and deal’”, segun Vrolijk.

“Pesey mi ta bisa y mi ta manda e mensahe di awor tambe na nos ministernan, cu si bo tin un acuerdo cu CAFT, wak pa e ta pa 1 aña of menos cu esey, pasobra nos si kier nos ‘begrotingskamer y nos si lo bin cune”.

“Pa mi CAFT no ta sirbi pa nada”.

“Na momento cu bo a bin pa baha gasto y na momento cu  bo mes a skirbi kiden cu e debe ta 84.9% na 2018 si no hasi cambionan, bo a bin na 2015 y na 2018 el a caba na 93%”.

“Esey ta un brevet van onvermogen,  opstaande voet bo mester wordo kita for di trabao, pasobra abo como entidad no ta sirbi pa controla Gobierno y pone nan na waterpas”, segun e parlamentario di e fraccion geel, kende a cuestiona e hecho tambe cu diferente documento confidencial di CAFT a aparece den prensa.

“Pa loke ta e transparencia, CAFT mester por somenta y no bolbe nunca mas”, segun Vrolijk.

 

 

- Advertisement -

DUNA COMENTARIO

Please enter your comment!
Please enter your name here