Home Parlamento Pa seguridad di nos costanan ta esencial pa Aruba tin bek su...

Pa seguridad di nos costanan ta esencial pa Aruba tin bek su propio radarnan

18
0
SHARE
- Advertisement -

Como prome linea di defensa:

ORANJESTAD (AAN)—“Seguridad den nos fronteranan” ta e tema cu Parlamentario sr. Rocco Tjon a toca durante e conferencia di prensa, Diaranzon mainta.

E parlamentario a expresa cu seguridad den nos fronteranan ta keda un punto sensitivo. Tin diferente reportahe cu ta mustra cu tin hende ta drenta den nos frontera na un manera no legal, y esaki mester haya atencion no solamente di gobierno pero tambe di Parlamento, pa en todo caso, percura pa e problema aki haya atencion y recursonan pa haci esaki.

Parlamentario Rocco Tjon a señala cu ora ta trata di nos fronteranan semper tin e prome linea di defensa cu ta nos radarnan. Un tema cu den pasado a wordo trata hopi biaha, unda ta conoci cu e radar cu nos tin actualmente ta bao maneho di Curacao, y e sistema actual aki tin su deficiencianan.

E parlamentario a subraya cu na Aruba mester bolbe na e situacion den pasado cu Aruba tabata tin su mesun “wall radars” locual ta hopi importante pa e seguridad di nos fronteranan pero tambe pa e seguridad di tur e unidadnan cu ta percura pa nos costanan ta safe.

Parlamentario Tjon a referi na un carta cu tin di fecha 8 di Maart 2011, unda cu gobierno di Hulanda hunto cu di Aruba, a yega na e decision, debi cu gastonan a aumenta, pa kita e radarnan cu tabata tin.

Tjon ta haya cu esaki ta di lamenta, pasobra esnan cu a traha cu nan, vooral ora nan tabata funciona, sa di e balor agrega cu nan tin pa e trabao y e seguridad di nos fronteranan.

E parlamentario a indica cu su fraccion lo lanza preguntanan por escrito pa sa ki intencion tin pa loke ta trata e sistema di radar aki. El a agrega cu investigacion preliminar ta mustra cu pa un prijs basta razonable, di alrededor di un miyon dollar, Aruba por tin su mesun radarnan unda cu tin e seguridad di nos fronteranan garantiza.

Fuera di esaki tin e di dos linea di defensa cu ta e “Coast Surveillance Team” cu mester wordo operacionaliza mas lihe posible aworaki. E parlamentario ta na haltura cu algun vehiculo a wordo bestel tambe pa e gruponan aki di surveillance, y na opinion di e parlamentario e autonan aki lo mester wordo equipa cu e sistema mobile pa asina por eleva e seguridad di esnan cu ta bay forma parti di e team aki.

Otro aspecto di e di dos linea di defensa ta e helicopter. Tjon a expresa cu e ta hopi contento cu e proceso aki lo wordo acelera pa percura pa eleva e seguridad den nos fronteranan, muy en particular di esnan cu ta haci e trabao.

E parlamentario a agrega cu ta importante pa no tin solamente un entidad cu tin acceso na e sistema di radar aki, pasobra central di polis ta dirigi e unidadnan y esaki ta motibo pa cual e sistema aki no mester ta solamente bao di Guardacosta sino di Cuerpo Policial Arubano.

El a indica ademas, cu banda di esaki semper ta bon tambe pa tin un “check & balances” unda como dos organizacion nan ta wanta otro, pa percura cu e calidad di trabao cu nan ta haci ta keda esun mihor tambe.

 

 

- Advertisement -

DUNA COMENTARIO

Please enter your comment!
Please enter your name here