Home Parlamento Parlamentario Hendrik Tevreden a haya contestanan di Minister di Infraestructura riba proyecto...

Parlamentario Hendrik Tevreden a haya contestanan di Minister di Infraestructura riba proyecto di drechamento di caya na Dakota

31
0
SHARE
- Advertisement -

ORANJESTAD (AAN): —  Durante conferencia di prensa di partido MEP, parlamentario Hendrik Tevreden a splica cu el a manda un carta cu varios pregunta relaciona cu proyecto den Dakota, na unda cu esaki tabata para pa mas cu un luna, buscando mas aclaracion, tanto di Gobierno y departamentonan concerni.

Segun e parlamentario, e proyecto ta pa haci e cayanan di Dakota mas bunita, pero e tabata causando un peliger, pasobra e cayanan ta habri, hopi pilon, santo riba caya tira, acera kibra cu hende por trompica riba nan, cu ta haci dificil pa peaton y autonan por haci uso normal di e area aki.

E proyecto tabata para, kiermen no ta mira trahadornan den e proyecto, y esaki a trece preocupacion si e proyecto ta bay continua, den cuanto tempo e ta bay keda cla y di con trahadornan no a sigui cu e trabaonan.

E parlamentario indica cu Minister di Infraestructura, Sr. Otmar Oduber a contesta su preguntanan den un carta, na unda e mandatario a indica cu e proyecto a cuminsa dia 25 di October 2017 y mester keda cla pa dia 29 di Mei 2018. Un di e motibonan cu esaki no a keda cla ta pa motibo cu esaki no tabata den presupuesto pa sigui cu e trabaonan.

E gastonan pa ehecuta e proyecto aki tabata di 1.522 miyon di florin. E proyecto tambe tabata para pa motibo cu WEB, mester a keda cla cu algun tubo, specialmente den Mispelstraat, den cercania di Misa di Dakota.

Tevreden a expresa cu ta importante pa pueblo ta na altura cu parlamentarionan ta haciendo nan trabao, haciendo preguntanan na Gobierno y trece e contestanan pa pueblo keda bon informa riba desaroyonan cu ta tumando lugar na Aruba.

 

 

 

- Advertisement -

DUNA COMENTARIO

Please enter your comment!
Please enter your name here