Home Parlamento Parlamentario Rocco Tjon papiando riba seguridad na nos fronteranan

Parlamentario Rocco Tjon papiando riba seguridad na nos fronteranan

19
0
SHARE
- Advertisement -

ORANJESTAD (AAN) — Lider di fraccion di MEP, sr. Rocco Tjon MBA, a duna di conoce cu despues di a tuma nota di diferente comunicado di prensa encuanto ilegalnan cu ta subi tera e ta reacciona riba esaki

PRIMERA LINEA DI DEFENSA

No ta un secreto cu e sistema di radar actual tin su deficiencianan. Pa loke ta trata e sistema actual e ta wordo supervisa door di Corsou. Steunpunt na Aruba tin e asina yama “uitlees mogelijkheid” pero esaki den nos concepto no ta suficiente. Ta conoci cu den pasado Aruba tabatin su propio “walradar” pero na aña 2011 (8 maart 2011), un decision a base di finanzas, a dicidi pa deshaci di nos propio radarnan. Ta sumamente importante pa pais Aruba tin su propio sistema di radar y esaki ta posibel pa un suma rasonabel.

SEGUNDA LINEA DI DEFENSA

Importante ta pa unidadnan maritimo y esnan na tera por wordo dirigi a base di informacion. E informacion aki ta wordo genera door di e sistema di radar. Nos lo haci pregunta por escrito pa haya sa ki tempo lo institui e unidad di “kust surveillance”. Ta importante pa e vehiculonan cu e unidad aki bay haci uso di dje wordo ekipa cu un “mobile surveillance system” cual lo eleva seguridad di e trahadornan. Mas aun ainda si tene cuenta cu e area isola caminda e controlnan aki ta wordo eherce.

RADAR BOU MANEHO DI ARUBA

Un sistema di radar bou maneho di Aruba lo percura pa Aruba obviamente semper wordo prioritisa. Mas aun ainda e lo percura pa unidadnan policial por wordo dirigi mucho mas miho. Na final di dia unidadnan policial ta wordo dirigi door di central di polis y no door di “Guarda costa”. Informacion mester wordo duna mas liher posibel na e unidadnan sin un “schakel” dimas den e cadena.

Adicional si banda di “Kustwacht” nos Cuerpo Policial, manera tabata e caso prome cu 2011, por mira y analisa movimiento maritimo, esaki lo contribui tambe na un miho control entre departamentonan, St. Tjon a laga sa..

- Advertisement -

DUNA COMENTARIO

Please enter your comment!
Please enter your name here