Home Parlamento Parlamentario Rocco Tjon ta elabora riba reunion na Panama tocante corupcion den...

Parlamentario Rocco Tjon ta elabora riba reunion na Panama tocante corupcion den sector publico y priva

26
0
SHARE
- Advertisement -

ORANJESTAD   (AAN): Den e articulo informativo aki lider di fraccion di MEP, sr. Rocco Tjon MBA, ta elabora riba reunionnan na Panama den cuadro di corupcion den sector publico y priva.

Sr. Jorge Carbonell di “The Organisation for Economic Co-operation and Development” y sra. Grisell Aguilar di “Oficina de Las Naciones Unidas”  a duna un splicacion extenso riba desaroyonan den nos region pa loke ta corupcion en general. Ambos ta traha den unidadnan anti-corupcion den nan organisacionnan.

CORUPCION DEN NOS REGION

E dos oradornan a splica cu corupcion tin su impacto riba gobernacion di un pais, su economia y aspectonan social. Den nos region tin centenares di casonan a tuma lugar den pasado y esun cu a capta mas hopi atencion tawata “Caso Odebrecht” na Brazil y “Caso Cemento” na Bolivia.

Atraves di un linea di tempo (1997-2018) a presenta e desaroyo pa loke ta leynan anti-corupcion y e maneranan con e malpracticanan ta tuma lugar. Segun e lectornan e mayoria di casonan caminda actonan coruptivo ta tuma lugar ta den proyectonan di infrastructura y ora di e proceso di “bidding”.

RETONAN PA FUTURO

E reto di mas grandi segun e oradornan ta ehecucion di leynan anti-corupcion. Banda di e parti ehecucion mester percura pa por adapta leynan liher. Mundo local y inernacional ta dinamico y p’esey leynan mester por “keep up” cu e dinamismo di nos mundo.

Programanan di conscientisacion y fortalece lasonan internacional tambe lo yuda combati corupcion. Esaki debi cu e lo crea un plataforma, pa riba nivel parlamentario, por intercambia informacion, fomenta conocimento y kisas asistencia ora di un encuesta parlamentario.

TRAYECTO DI “GOOD GOVERNANCE” NA ARUBA

Finalisando lider di fraccion di MEP, sr. Rocco Tjon MBA, ta emfatisa cu fraccion di MEP a entrega dos ley di iniciativa caba pa promove bon gobernacion. Te referi na e ley di screening di ministers y e ley di finansamento di partidonan politico.

Dos otro ley cu fraccion di MEP ta trahando riba dje ta esun di comptabilidad y esun di nos propio begrotingskamer. Por ultimo e trayecto di independisacion di nos colegionan di estado, cual trayecto ta wordo lidera door di Presidente di Parlamento sr. J. “Ady” Thijsen, lo promove transparencia y bon gobernacion.

- Advertisement -

DUNA COMENTARIO

Please enter your comment!
Please enter your name here