Home Parlamento Parlamentario Treveden a anuncia un promesa pa enfermeronan di SABA

Parlamentario Treveden a anuncia un promesa pa enfermeronan di SABA

5
0
SHARE
- Advertisement -

Despues di felicita pa Siman di Enfermeria:

ORANJESTAD (AAN) – Den conferencia di prensa di fraccion di MEP, sr. Hendrik Treveden a hiba palabra, y na prome lugar, el a felicita tur enfermeronan riba e Siman di Enfermeria, y nan dia cu oficialmente lo wordo celebra Diasabra 12 di Mei awor.

E Parlamentario a señala cu e enfermeronan ta e clase di trahador hopi importante den e cadena di cuido, pero tin hende cu no ta conciente di esey.

Enfermeronan ta specializa den diferente rango di e cadena di cuido y nan ta e weso di lomba di e salubridad di un pais.

For di Parlamento el a expresa e palabranan aki y pa nan sigui brinda nos pais e cuido y cu e pasenshi cu cual semper nan ta eherce nan profesion.

Tambe e parlamentario a informa e enfermeronan di SABA cu Parlamento ta bay percura pa nan haya e pago cu ta pendiente pa nan y cu nan no a ricibi for di seis aña pasa caba.

Lo percura pa den e presupuesto 2019 yega na un acuerdo pa nan wordo paga e placa cu nan merece di haya.

Esaki ta un promesa cu parlamento ta haci pa e trahadornan aki, cu ta dedica alma y curpa pa nos grandinan y nan tambe ta merece di wordo trata na un manera husto den esaki, segun Parlamentario Treveden.

Ademas el a anuncia cu lo mehora e link cu falta na e studiantenan cu caba nan opleiding, pa nan por drenta traha na Hospital. El a menciona cu nan tin cu haci un curso mas, despues cu nan a studia cuater aña y ta gradua.

E parlamentario hunto cu su coleganan kier atende esaki cu Minister di Enseñanza, pa wak con leu e tramitanan ta pa por haya un mihor conexion entre Colegio EPI, den e caso aki, directamente cu Hospital, pa ora cu e studiante caba su estudio despues di cuater aña, por cuminza eherce su trabao debidamente.

Parlamentario Treveden a señala cu asina nan kier compromete nan mes cu e grupo di enfermeronan aki, y laga nan sa cu e parlamentarionan tin nan den mente pa nan por sigui desplega nan trabao manera mester ta.

 

- Advertisement -

DUNA COMENTARIO

Please enter your comment!
Please enter your name here