Home General Personanan cu tin auto bandona riba caminda tin te awe pa move...

Personanan cu tin auto bandona riba caminda tin te awe pa move nan

56
0
SHARE
- Advertisement -

Prome cu nan bay dump:

ORANJESTAD (AAN) — Bureau City Inspector lo cuminza tuma accion pa kita autonan bieu poni riba caminda publico. Danilo Prescott, di Bureau City Inspector, den entrevista cu nos redaccion a elabora riba e tema.

Pa duna un ehemplo, sr. Prescott a menciona cu den Noord, un meneer tabata pone autonan bieu riba caminda publico.

Den pasado caba Polis di Bario di Noord, Sr. Edgard Maduro hunto cu Bureau City Inspector a hala atencion di e meneer aki y parce cu cos a manera calma, pa dos siman mas o menos.

E tempo ey, polis na su luga mester a actua contra di e meneer aki, sikiera dune un boet. Pero esey no a sosode dus e cabayero a bolbe cuminza pone autonan riba caminda publico.

City Inspector a keda di topa cu Sr. Ceballo di Playa pa bay cerca e meneer aki pa asina tackle esaki tambe. Autonan cu ta para riba caminda publico tambe lo wordo hala di eynan.

Den playa tin un auto para na Eagle, bayendo direccion di rotonde di Wendy’s. E auto a haya un accidente, pero esnan responsable no a kita e auto, un polis cu ta trahando straatdienst ta suppose di wak e auto aki. Pero ta laga esaki pa City Inspector haci e trabao aki.

Den e proximo dianan lo cuminza cu accion di piki autonan bieu. Por bisa cu City Inspector ta bezig cu dos accion di auto na mesun tempo. Un na Nieuwstraat na San Nicolas y otro na Savaneta. Un compania priva a piki varios auto na San Nicolas y ta hiba nan dump.

E doñonan di autonan bieu tin te cu dialuna pa deshaci di e autonan. Si pa dialuna City Inspector yega na e sitio, y ainda nan tey, e autonan ta bay dump.

Mas leu, Sr. Prescott a bisa cu Infraruba ta e miho cos cu nan por a inventa. Tur cu ta cay bou di Ministerio di Infrastructura y Milieu, esaki ta un manera facil pa sa cual ta e trahadornan di Bureau City Inspector cu ta traha of no. Y e ta un manera pa ministerio pa evalua tur e departamentonan.

E programa InfrAruba ta un programa asina eficiente cu e mes ta manda cierto trabaonan, na cierto departamentonan. Ministerio tin bista riba dje y nan mes por controla esaki, pa no bay tin mester di Interne Controleur, ya cu esaki ta wordo haci door di e website mes.

 

- Advertisement -

DUNA COMENTARIO

Please enter your comment!
Please enter your name here