Home Turismo Playa Linda ta renoba su lobby pa ofrece un miho experiencia vacacional

Playa Linda ta renoba su lobby pa ofrece un miho experiencia vacacional

18
0
SHARE
- Advertisement -

ORANJESTAD   (AAN):   Aestetica contemporaneo combina cu tradicionnan hospitalario bon estableci na Playa Linda Beach Resort. E timeshare popular, y estimado resort, ta cumpli su di 35 aniversario e aña aki, y hunto cune, ta celebra su dedicacion na servicio  y acomodacion sobresaliente.

Mehoracionnan recien a inclui un apariencia nobo nobo y e layout di e lobby cu ta permiti huespednan pasa inmediatamente pa e experiencia vacacional.

“Nos diseñador a unifica elementonan tropical y moderno pa crea un diseño cu ta espacioso, fresco y atractivo,” Gerente General Peter van Grinsven ta remarca. “Nos a habri e lobby y a mehora e fluho paden y atraves di e resort como tambe crea espacio adicional cu ta ofrece mas pa haci y mas luga pa topa hunto. Haciendo esaki, nos a logra nos meta di refresca nos apariencia fisico, pero alabes di mantene nos sentimiento caluroso di comunidad y carisma distintivo manera Playa Linda ta conoci p’e.”

Funcionalidad ta un hunga un rol grandi den e diseño di e lobby nobo, cu e bali di recepcion na un angulo pa ofrece BonBini inmediato na e bishitante. Amenidadnan adicional awor ta inclui kioskonan di check-in, almacenahe pa ekipahe y espacio multi-funcional pa reunion, actividad y evenemento.

E uso di lusnan di color, liñanan skerpi y mobilario nobo ta contribui na e paisahe moderno, cual ta incorpora y mescla bon cu e piscina y bista pa lama. E resultado ta un lobby cu t’ey pa atrae hende, pa relaha rond di e lobby bar cu e promesa di bebida refrescante y combersacion ameno.

E renovacion recien ta sigui e introduccion aña pasa di un pool deck completamente nobo, y e construccion di un piscina adicional. Mientras cu mehoracion regular ta sigui riba un base programa, Playa Linda lo tuma un otro paso grandi otro aña den renoba tur su suitenan studio, un camber y dos camber, yudando asina pa mehora un diseño cu ya caba ta uno triunfal. Tras di cortina, inovacion ta sigui ser haci den e sistema di seguridad, cu camara nobo y mehora un sistema di yabi mas sigur y moderno.

“Nos kier keda un paso dilanti. Nos no ta djis haciendo Playa Linda mas atractivo, pero nos ta elevando calidad di tur nos facilidadnan,” asina Gerente General Peter van Grinsven a splica. “Si bo puntra cualkier di nos miembro y huespednan, ta nan amor pa Aruba, e hende y Playa Linda ta loke a conkista nan curason pa bolbe aña tras aña nos isla. Cu e cambionan nobo, nos ta construi ariba e fundeshi di exito di e ultimo 35 añanan, y sigurando asina cu nos lo sigui yama bonbini na futuro generacionnan di bishitante y huespednan pa hopi aña den futuro.”

- Advertisement -

DUNA COMENTARIO

Please enter your comment!
Please enter your name here