Interpol:
ORANJESTAD (AAN): Informe di Interpol ta menciona cu casi 350 victima di traficacion di hende a wordo rescata den 13 pais den Latino-Americano y den area di Caribe.
E operacion ta coordina pa Interpol. E organisacion international a haya yudanza practicamente di unidadnan policial.
E victimanan entre tambe muchanan, trahando den club nocturno, fabricanan minanan y tambe riba cunuco y mercadonan.
Segun un vocero di Interpol tin di nan ta traha den un espacio masha chikito no mas grandi di cahanan. Agentenan a detene 22 hende y confisca placa, telefonnan mas computernan.
E entradanan a tuma lugar despues di un dos aña y mei di investigacion financia pa gobierno Canades. Interpol segun e informe ta menciona entre otro e situacion na Guyana en particular Gruwel.
Den paisnan na Sur -America muhernan ta wordo forza pa traha como muher di bida den area di e minanan di oro. E lugarnan aki ta masha dificil pa yega y masha fastioso pa investiga. Ademas huymento for di e lugarnan aki ta dificil y casi imposibel, e colaborador di Interpol a laga sa.
