Home Labor Prolongacion di entrega di Registro di personal 2017 – 2018

Prolongacion di entrega di Registro di personal 2017 – 2018

9
0
SHARE
- Advertisement -

ORANJESTAD (AAN)—- E Ordenansa Laboral 2013 (Arbeidsverordening 2013, AB 2013 no. 14) ta vigente desde 1 di april 2013. A base di articulo 30, di dos inciso, di e Ordenansa Laboral 2013 un dunador di trabou ta obliga pa entrega e Registro di Personal (Personeelsregister 2017-2018) na Director di Departamento di Labor & Investigacion (DAO).

Den e Decreto Nacional Registronan di Ordenansa Laboral 2013 ta regla e modelo di e Registro di Personal. E Registro di Personal ta consisti di tres parti, Modelo 1A, e personal actual manera registra na december 2017; Modelo 1B, e necesidad pa personal pa 2018 y Modelo 1C, e necesidad di personal pa cada proyecto specifico.

Departamento di Labor ta informa pa medio di e comunicado aki cu a prolonga e periodo di entrega di Registro di Personal 2017-2018 pa tur empresa na Aruba cu tres siman mas, te cu 25 mei 2018. Despues di e fecha aki, NO lo duna mas prolongacion.

Incumplimento

Despues di e periodo di  entrega, e dunador di trabou cu no entrega e Registro di personal ta den incumplimento cu art. 30 di Ordenansa Laboral 2013.

Riba violacion di art. 30, lo por aplica un sancion administrativo di AWG 5000,- den forma di un ‘Last onder dwangsom’. Lo avisa e dunador di trabou cu e ta den incumplimento y cu e ta haya un cierto tempo pa coregi e violacion.

Si den e tempo stipula e no haci esaki lo formalisa e ‘dwangsom’ caminda e lo mester paga e suma di AWG 5000,-. Pues, ta depende di e dunador di trabou finalmente si ta sigui un sancion administrativo si of no.

Na final locual kier logra ta cu e dunador di trabou ta cumpli cu ley, y mirando cu por coregi e infraccion lo duna un ultimo chens pa coregi esaki prome cu e resulta den un sancion.

Pa mas informacion riba e cambio den forma di e Registro di personal 2017 – 2018 y tambe unda y con por entrega e formulario di personal 2017 – 2018, ta referi na nos website www.daoaruba.com of www.gobierno.aw. of pa ricibi e formulario digital, por haci un peticion via e-mail adres aanvraagpr@gmail.com y DAO lo mail bo e formulario digital.

Ta brinda ayudo

DAO lo ta habri ariba e siguiente dos dianan pa brinda ayudo den digitalisa e datonan solamente pa empresa cu tin menos di 10 empleado. Pa por brinda e servicio aki, e empresa mester ta disponi di tur datonon segun e modelo 1A, 1B y 1C.

 

Fecha Dia Lugar Orario
 02 mei 2018   Diaranson Oficina DAO 4.30 am – 7.00 pm
 03 mei 2018  Diahuebs Oficina DAO 4.30 am – 7.00 pm

 

Si tin mas pregunta tocante e Registro di personal 2017-2018 por tuma contacto cu Sra. Louisetty Croes na 5237722 of via email louisetty.croes@aruba.gov.aw of c’un funcionario di Bureau Arbeidsmarktonderzoek na 5237720.

- Advertisement -

DUNA COMENTARIO

Please enter your comment!
Please enter your name here