Home General Prome cu grita “baha tarifa di awa y coriente”, busca pa sa...

Prome cu grita “baha tarifa di awa y coriente”, busca pa sa e consecuencianan

53
0
SHARE
- Advertisement -

Sindicato SIWA di WEB:

ORANJESTAD  (AAN)– Segun Sr. Eldrick Henriquez di SIWA,  sindicato semper ta para pa continuacion di trabou y e hendenan mester ta prepara den e direccion ey. E parti ey ta locual cu sindicato no ta mira  ta tumando luga na WEB.

Actualmente ta den discusion cu gerencia di con ta e mankracht, dus con e hende  ta wordo poni. Gobierno ta papia di cu e hende ta central y den WEB nan no ta verwacht nada otro.

El a sigui splica cu recientemente SIWA a tene un reunion cu Prome Minister, cual a bay den bon ambiente, cual tabata un kennismaking tambe hunto cu gobierno. Nan a presenta nan preocupacion dilanti. Pero cu gobierno, semper bo mester bay mas cu un biaha. Y esey ta den proceso actualmente.

“Awor aki tin hopi discusion pa bahamento di coriente, awa y esey ta ok. Pero prome cu gobierno dal e gritonan aki, mester wak tambe kico ta consecuencianan.  Mi ta invita Parlamentarionan cu ta pidi esey,  pa bin WEB y haci e preguntanan directamente na gerencia, unda tur hende ta pone cartanan riba mesa di nan deseo . Esaki ta pa wak unda por yega cu otro pa full comunidad probecha di esey”, el a laga sa.

SIWA practicamente no tin contacto cu  sindicato di Elmar. Solamente ora nan ta topa den reunion di APFA por ehempel, tin contacto.  Fuera di esey nan no tin relacion of contacto cu otro.

Relaciona cu e discusion di gobierno pa baha prijs di awa y coriente, el a laga sa cu esaki semper lo bay cuminsa na WEB. Ta WEB ta esun cu ta produci’e y nan tin cu wak con ta maneha esey.

Sr. Henriquez ta kere cu ta bon pa trece e carta ariba mesa, di tur dos banda. Grita pa baha ta facil, mescos di otro banda ta grita pa subi, esey ta facil pa haci. Pero trece e cartanan hunto pa yega na un solucion cu ta cumbini e comunidad. Esey ta conta pa henter e comunidad, tur mester haya probecho y ora di haya sla, purba pa no haya sla. Esey ta e punto di mas importante.

 

 

- Advertisement -

DUNA COMENTARIO

Please enter your comment!
Please enter your name here