Home Gobierno Prome Minister cu hopi elogio pa proyecto Centro Hubenil Washington

Prome Minister cu hopi elogio pa proyecto Centro Hubenil Washington

13
0
SHARE
????????????????????????????????????
- Advertisement -

ORANJESTAD (AAN) – Minister Presidente mr. Evelyn Wever-Croes a hiba palabra durante e reapertura di Centro Hubenil Washington.

El a menciona cu e ta conoce sr. Anselmo Croes (Chemito) for di hopi aña y semper trahando pa Centro Hubenil Washington, y pesey e no por a keda sin acudi na e evento aki, aunke e oranan ey ainda, normalmente, e ta trahando y  no obstante cu su dia siguiente e mester a biaha pa Hulanda.

Centro Hubenil Washington ta un muestra di con boluntarismo y determinacion na trabao ta yuda yega logra un meta. El a subraya cu mara gobierno por a haci tur cos pero no ta asina. Pesey e ta haya e trabao aki hopi bunita, y el a felicita un y cada un di e personanan envolvi den e proyecto.

Tin miembronan cu no ta experto den supervision ni construccion, pero bunita ta cu nan a duna sosten na otro, pasobra esaki no ta trabao di un dia pero di hopi aña y un trabao sumamente valioso.

E dignatario a expresa cu Aruba ta enfrentando hopi reto: financiero, economico, cu Venezuela, locual ta berdad pero esakinan no ta e retonan real. E reto principal ta esun cu nos pais tin cu nos hobennan.

E problemanan financiero, economico, y cu Venezuela, por wordo resolvi. Pero si no duna nos hobennan atencion lo no tin un sino hopi problema, e mandatario a indica.

Por soluciona tur problema di mundo pero si nos hubentud ta riba mal caminda, nos no tin nada, e dama a señala.

Pesey el a elogia e proyecto di Centro Hubenil Washington cu ta wordo haci sin interes personal, pero solamente pa e bienestar di nos hobennan locual ta algo grandi. El a subraya cu e personanan tras di esaki ta inspire.

- Advertisement -

DUNA COMENTARIO

Please enter your comment!
Please enter your name here