Home Gobierno Prome Minister ta representa Reino Hulandes na inauguracion di presidente nobo na...

Prome Minister ta representa Reino Hulandes na inauguracion di presidente nobo na Costa Rica

51
0
SHARE
- Advertisement -

ORANJESTAD  (AAN): Diamars 8 di mei, pais Costa Rica ta inaugura su Presidente nobo. Durante e ceremonia, Presidente actual, Luis Guillermo Solis ta pasa e mando over na Carlos Alvarado Quesada kende a wordo elegi como Presidente dia 1 di april ultimo.

Ta un custumber di Reino Hulandes pa ta representa na toma di posicionnan aki. E biaha aki, Reino a pidi Prome Minister di Aruba Evelyn Wever-Croes pa representa henter Reino Hulandes na e traspaso aki.

Prome Minister lo haci uzo di e oportunidad pa probecha pa papia cu mandatarionan di diferente otro paisnan riba diferente temanan cu tin pendiente ainda entre otro cu Panama pa loke ta trata transporte, cu Colombia riba temanan di economia y salud. Principalmente tambe cu representantenan di Costa Rica riba e tema di salud y di studiantenan cu ta haciendo nan estudio na e pais menciona.

E mandatario tin riba su agenda un encuentro cu studiantenan Arubano na Costa Rica pa asina e por scucha kico ta nan preocupacionnan. Un bon noticia sigur cu Prome Minister lo hiba ta cu Minister di Salubridad señor Dangui Oduber ta solucionando e problema di BIG pa asina mediconan cu studia den region tambe por haya oportunidad.

“Mi lo percura pa Aruba su nomber resona y laga e speransa cerca nos hobennan pa nan por bolbe bek Aruba. Manera cu Gobierno di Aruba a anuncia caba, District 297 ta un proyecto pa yuda trece nos Arubanonan bek Aruba, y esaki ta un paso pa tuma tambe na Costa Rica”, Prome Minister a duna di conoce.

 

- Advertisement -

DUNA COMENTARIO

Please enter your comment!
Please enter your name here