Home Politica RAIZ a entrega peticion na ministernan di Economia, Infrastructura y Turismo

RAIZ a entrega peticion na ministernan di Economia, Infrastructura y Turismo

58
0
SHARE
????????????????????????????????????
- Advertisement -

Tocante proyecto Isla di Oro:

ORANJESTAD (AAN) – Manera ta conoci Dialuna mainta tempran, Partido RAIZ a entrega un carta relaciona cu e Ley di Ordenanza Territorial (ROP) na gobierno den cuadro di e proyecto di Isla di Oro.

Lider di RAIZ, señor Ursell Arends, den entrevista cu medionan di prensa, a splica cu nan a bin entrega, den cuadro di transparencia, un carta na Minister di Infrastructura, Minister di Economia y Minister di Turismo.

E hoben politico a declara cu for di dia 2 di April, henter pueblo por a tuma nota di un protesta door di e NG’s lidera pa Aruba Warriors, tocante e proyecto di Isla di Oro, pero dos dia despues Minister di Turismo a duna di conoce cu e ROP mester wordo cambia, pa e proyecto aki por wordo ehecuta.

Dia 20 di April Partido Raiz a publica un articulo den cual nan ta boga pa un moratorium, mirando cu den e proximo dos pa cuater añanan ta premira e construccion di 4587 camber extra.

E lider di Raiz a señala cu ora hunto cu sr. Lee nan a funda e partido aki. Den nan programa ta para claramente cu e ser humano ta central pero tambe cu nan tin metanan cu nan mester promove encuanto nos naturaleza y esey ta derecho di e naturaleza.

RAIZ ta sinti cu nan tin un compromiso cu su votadornan y cu pueblo en general cu tur ley mester cana corectamente, prome cu ehecuta un tipo di proyecto manera esun di Isla di Oro.

Nan ta pidiendo e tres Ministernan menciona diferente documento, y primordialmente pa haci un estudio di e impacto social economico como tambe di impacto ambiental, cu e proyecto aki por ocasiona pa nos pais.

Tambe sr. Arends a señala cu mirando cu e proyecto aki no por worde desaroya sin un permiso di establecimento nan ta a haci e peticion menciona na e Minister di Economia y Finanzas y na e otro dos mandatarionan ya cu e proyecto aki tin di haber cu turismo y tambe cu proteccion di medio ambiente.

Pesey nan ta haci peticion di tur e documentonan cu tin di haber cu e proyecto aki pa wak si e ministernan aki ta tuma na serio e consehonan cu nan ta haya di e departamentonan concerni y di e forma aki zorg pa tur ley cana y wordo ehecuta manera mester ta.

Den cuadro di ley e ministernan tin tres siman (te 28 di Mei) pa entrega e documentonan y si no ta logra e por alarga e periodo pa tres siman mas cual lo vence dia 18 di Juni.

Ursell Arendz finalmente a bisa cu asina Raiz como pueblo, por contribui na e decisionnan corecto cu mester wordo tuma.

 

 

 

- Advertisement -

DUNA COMENTARIO

Please enter your comment!
Please enter your name here