Home Politica RAIZ no ta bay den polemica ni debate cu Minister Oduber

RAIZ no ta bay den polemica ni debate cu Minister Oduber

26
0
SHARE
- Advertisement -

ORANJESTAD (AAN) — Despues di a tuma nota di declaracion di Minister Oduber den various medio di comunicacion,  RAIZ ta haya cu ta na su lugar pa trece claridad riba e asunto.

Cu RAIZ no ta forma parti di Gobierno no kiermen cu nos ta contra. Al contrario, nos a y ta bolbe gradici e minister pa su reaccion rapido riba e peticion cu nos a entrega.

Pa por garantisa e proteccion di naturalesa cu tanto nos isla ta boga p’e, Gobierno y henter pueblo mester traha hunto y no perde tempo ta bringa ni baila otro.

Locual cu RAIZ a ricibi for di Gobierno y por comparti cu nos comunidad ta e siguiente datonan:

  1. E opinion di e inversionista.

Tocante e posicion di Gobierno mes nos no a ricibi ningun documento cu ta trata e maneho (“bestuurlijk”). Anto ta hustamente e posicion di Gobierno ta locual nos kier haya un bista riba dje.

Nos mester determina na unda exactamente e peticion aki di inversionistanan ta den e pipeline di Gobierno. Un proyecto asina mester cana e caminda regular via e departamentonan di Gobierno – conforme na locual ley ta prescribi. Un minister no ta dicidi riba su mes. E mester pidi conseho for di e departamentonan concerni.

Publico mester sa ta kico Gobierno a haci cu e pakete gigante di documento cu nan a ricibi for di e inversionistanan. E ministro a admiti na e publico cu riba e USB cu el a entrega na RAIZ, no tabata tin NADA di esaki. Pues, RAIZ no tin motibo pa ataca e minister.

Nos ta clarificando e hecho cu – manera e minister mes a confirma – riba e USB NO tin e informacion esencial aki cu nos ta rekeri.

Importante ta cu e minister a sali splica cu e no por a entrega esaki pasobra NAN NO TA EXISTI.

“Mi no por duna partido RAIZ algo cu nunca m’a ricibi”.

Esaki ta un declaracion fuerte di e ministro.

E ta confirma dos cos:

1— Ta reciente, na April, e minister a manda e documentonan pa DNM, DIP y DOW. Awor publico sa na unda e proyecto ta canando den e molina di Gobierno.

2— Kiermen tambe cu no ta existi compromiso entre Gobierno y e desaroyador di e proyecto. E desaroyador mester conoce ley y e mester sa cu Gobierno no por haci compromisonan sin cu tin e acuerdo di su departamentonan.

Tin dos implicacion;

E Minister a declara cu esaki NO ta un di e proyectonan cu el a hereda for di e  Gobierno anterior y cu inevitablemente lo mester wordo ehecuta.
Den caso cu e desaroyador a ricibi acuerdo for di e ministro anterior, e ora e ministro anterior ta PERSONALMENTE RESPONSABEL pa tur gasto cu cay riba nos pais. Esaki ta conforme Artikel 31 di Ley di Comptabilidad.

Pues mas cu e USB, e declaracion di minister Oduber ta yuda informa RAIZ y e pueblo completo exactamente unda e asunto aki ta para.

Den un eventual trayecto di LOB den futuro, lo por pidi for di Gobierno exactamente e documentonan cu ministro ta menciona, cu mester bin for di DNM, DIP y DOW.

 

- Advertisement -

DUNA COMENTARIO

Please enter your comment!
Please enter your name here