Home Gobierno Rapport ta mustra iregularidadnan den maneho financiero di Enseñanza Pa Empleo

Rapport ta mustra iregularidadnan den maneho financiero di Enseñanza Pa Empleo

86
0
SHARE
- Advertisement -

Minister Lampe ta keda encarga cu maneho di EPE

ORANJESTAD (AAN)—Minister di Enseñanza sr. Rudy Lampe, den conferencia di prensa di gobierno Dialuna mainta, a referi na un tema cu e ta haya poco alentador, cu ta concerni Enseñanza pa Empleo.

E mandatario a duna di conoce cu Diabierna ultimo, un rapport a keda entrega na su persona, despues di un proceso di evaluacion y proyeccion di Enseñanza pa Empleo, cu ta cay bao di su ministerio.

El a informa cu esaki ta un rapport di Central di Accountings Dienst, den cual a constata un serie di iregularidadnan, den e maneho financiero, y pa tal motivo e dignatario a dicidi di interveni directamente, den e maneho diario di EPE.

Esaki ta nifica cu Minister Lampe, pa un periodo te cu investigacionnan posterior lo sigui, lo keda encarga cu e maneho diario di EPE.

E mandatario a duna di conoce cu ayera e carta oficial a sali pa kita tur e autorizacion di e direccion actual di Enseñanza pa Empleo, pa actua den nomber di esaki.

Minister Lampe a expresa cu pa e gobierno aki, cu a firma e acuerdo di gobernacion unda a papia di “good government” cu ta principionan cu tambe mester a reina den e maneho di nos scolnan, den enseñanza, esaki ta sumamente importante.

Den e proximo lunanan gobierno lo sigui dedica tempo y lo duna informacion tocante un control y maneho financiero mas estricto, pa loke ta regarda henter e maneho di enseñanza.

 

- Advertisement -

DUNA COMENTARIO

Please enter your comment!
Please enter your name here