Home Parlamento Richard Arends ta purba hunga politica barata, siendo cu e splicacion riba...

Richard Arends ta purba hunga politica barata, siendo cu e splicacion riba e 100 ambtenaarnan extra ta bon cla

16
0
SHARE
- Advertisement -

Endy Croes:

ORANJESTAD (AAN): Endy Croes Dialuna a papia riba parlamentario Richard Arends di AVP, pa mustra e cantidad di placa cu e lo a gana entre otro como consehero di Gobierno anterior pa 15 mil florin pa luna.

Croes durante e conferencia di prensa semanal di fraccion di MEP a indica cu na Augustus Arends a baha como consehero y a lanta un consultancy y a strika mas di 500.000 mil florin, despues di cual el a bira Minister y awor parlamentario.

“Esaki ta un cabayero cu a strika casi 2 miyon florin den e temporada cu e tabata consehero”.

Esaki segun Croes, kende a sigui bisa cu tin un ley cu ta bisa cu pa bo duna informacion riba un persona e persona ey mester duna permiso y pesey den parlamento a pidi un punto di ordo pa Arends duna su cooperacion y permiso, pa asina Prome Minister por lesa y mustra tur e placa cu el a cobra di e pueblo aki.

Na tres occasion Arends a keda sin duna su cooperacion, segun Croes, kende a cuestiona credibilidad di e parlamentario di AVP.

El a indica cu Arends a manda un articulo pa prensa den cual el a mustra cu e Gobierno aki a aumenta e cantidad di ambtenaar cu alrededor di 100 persona, pa asina e hasi politikeria.

Segun Croes, e aumento aki di ambtenaar a wordo splica hopi bon den presupuesto, unda cu a wordo treci dilanti entre otro cu tin un aumento cerca Cuerpo Policial cu tin di haber cu dos grupo di 25 persona cu ta participa den un  opleiding pa polis.

“E 50 personanan ey a wordo presupuesta, mientras cu tin tambe 47 persona cu despues di 1 aña y mey di traha pa Fundacion Servicio Laboratorio Medico Aruba (FSLMA), a hasi uso di nan derecho pa bolbe como ambtenaar di pais Aruba”.

“Arends tambe tin e documentonan aki cu ta splica tur cos, pero asina mes el a dicidi di hunga politica barata”, segun Croes.

 

- Advertisement -

DUNA COMENTARIO

Please enter your comment!
Please enter your name here