Home Policial Ruben Webb cu a bula di pier den seco a fayece

Ruben Webb cu a bula di pier den seco a fayece

936
0
SHARE
- Advertisement -

ORANJESTAD(AAN): — Diadomingo merdia Polis Maritimo riba Dea Doo y tambe dos unidad di Ambulance a bay cu urgencia na Surf Side. Banda di e un watersport un homber a bula intencionalmente cu cabez den un parti seco y dal su cabez. Ta sospecha cu el a kibra su nek eybou.

Segun informacion for di mainta caba un grupo di amigo tabata bebe y lucha riba beach. Esnan cu tabata eybanda tabata haya esaki un poco incomodo pasobra tin basta mucha den vecindario. Nan tabata bebe Nightrain for di mainta. Ruben Webb mes tabata den e grupo y na varios ocasion tabata bula den lama landa sali bek.

Dos di esnan eybou bebiendo tambe a bay cerca di e pier pa hinca pia den awa. Un di nan tabata tin pia malo. Ruben Webb na dado momento a drenta lama atrobe.

El a bay landa cerca di e pier y djey subi trapi. Despues el a core bin tera y bula di cabez pero den e pida seco. El a dal su cabez den seco y bay off mesora.

E amigonan mes tabata hari y kere cu ta wega. Na dado momento algun hende na e watersport mes a Sali yude. A sake for di awa y bati alarma. Otronan a core bin yuda pa CPR. Ambulancenan a yega y mesora e paramediconan a tuma over. A keda reanima y Sali pa Hospital. Ruben Webb naci na Aruba 22-12-1972 a bay den coma. E tabata critico y tabata teme pa su bida. Dialuna merdia e noticia tristo a drenta cu el a fayece. Paz na su restonan y forza na e famia. E incidente no tin nada di haber cu e Splash Park. Al contrario, e personal ta esun cu a core yuda.

 

 

- Advertisement -

DUNA COMENTARIO

Please enter your comment!
Please enter your name here