Home Salud Seguro di biahe ta importante pasobra AZV no ta cubri biahe priva

Seguro di biahe ta importante pasobra AZV no ta cubri biahe priva

29
0
SHARE
- Advertisement -

ORANJESTAD(AAN): — AZV semper ta preocupa cu tin biaha ta presenta situacionnan, pasobra nan no por yuda tur hende cu ta biaha sin seguro. Segun Tchong, pa añanan caba, AZV ta informa y recorda e comunidad di Aruba cu AZV ta valido na Aruba so. Riba esaki tin un solo excepcion. Ta papia di cuido medico den exterior cu na momento tin un peticion haci na AZV y tin un aprobacion delanta.

Pero loke nan kier trece bao di atencion un biaha mas, manera cu ta haci tur e añanan anterior ta pa corda tur hende cu AZV ta valido na Aruba so. Por haya e cuido medico, ora cu bo ta na Aruba.

Kico esey ta nifica

E ta nifica cu AZV ta recomenda tur persona pa por fabor corda, cu ora bo ta bay biaha, por ehempel pa bay vakantie den exterior, e ta sumamente importante pa bo cumpra un seguro di biahe (reis en ongevalenverzekering). Es decir bo tin un seguro cu ta cubri diferente componentenan. Por ehempel si bo a bay biaha y bo a perde bo camara, e ta cubri esaki. Pero tambe e ta cubri gastonan di malesa inespera. Kiermen si bo hayabo por ehempel cu bo a baha for di taxi na otro pais y algo a sosodebo, e ora bo tin e seguro di biahe cu por cubri e gastonan aki. Eseynan ta gastonan medico inespera.

AZV ta haya importante pa pone atencion na esaki cu pa ora cu bay biaha, pa corda riba e seguro di biahe. Aki un pa dos luna, nos ta drenta den periodo cu pa mayoria hende ta un periodo dushi, cual ta vakantie grandi. AZV ta bisa cu corda na momento cu bo ta prepara pa bay di biahe den exterior, sumamente importante cumpra bo seguro di biahe, pa bo tin esaki cu si acaso algo sosode, bo ta bon prepara.

 

 

- Advertisement -

DUNA COMENTARIO

Please enter your comment!
Please enter your name here