Home Deporte Seleccion di Aruba y Balashi Premuim ta splits nan double header

Seleccion di Aruba y Balashi Premuim ta splits nan double header

13
0
SHARE
- Advertisement -

ORANJESTAD (AAN)- Diamars dia di obrero Aruba Softball Bond a probecha e dia liber pa sigui prepara su atletanan pa Monteria Colombia cual campeonato lo inicia 1 di Juni proximo. Desde 10.30am Seleccion di Aruba a hunga dos wega contra Balashi Premium kendenan tabata tin refuerzo di 3 pitcher international.

Den e promer partido tempran Seleccion a sali fuerte contra Eudomar Toyo y tabata mishi cu su rectanan hopi fuerte constantemente y a sa di rally pa asina gana e wega aki pa knockout. Seleccion Aruba 12 careda, 9 hit, 0 error.

Balashi Premium 0 careda, 1 hit, 5 error. Mihor bateadornan pa Seleccion di Aruba a resulta di ta e hoben Lenin Ashby 3-3 cu 3 RBI, Jayson Orman, Ray Bernabela y Bryan Courtar tur di 2-1, Kelvin Silvania di 3-1.

Pa Balashi Premuim e unico hit a wordo bati pa Sandrick Geerman kende a bay di 2-1. Giancarlos Gomez ta bay cu e victoria ricibiendo relevo di Jair Thompson. Eudomar Toyo ta  bay completo pa Balashi Premium y ta bay cas cu e derota.

Den e di dos wega Balashi ta ahusta por completo momento cu un otro pitcher estreya Jesus Leal Becerro ta lansa un partido cu efectividad hopi halto manteniendo e bateadornan di Seleccion for di balans constantemente.

Jesus ta tira 5 inning pa seya e victoria riba su nomber permitiendo 3 hit, 4 strike outs, 0 base por bola mas 1 careda limpi y ta wordo releva pa Eudomar Toyo kende ta permiti 0 hit lansando 2 ponche y regalando 2 base por bola pa concretisa e wega salva.

Jair Thompson pa Seleccion di Aruba a bay completo aunke no a permiti hit ta perde e wega lansando 8 strike outs. Balashi Premuim 3 careda, 0 hit, 2 error. Seleccion Aruba 1 careda, 3 hit, 3 error. Mihor bateadornan pa Seleccion Aruba ta Ray Bernabela, Jair Thompson y Egimar Lampe tur di 2-1.

Diahuebs awor e compromiso ta continua ora Seleccion Aruba midi forsa contra Spuiters. Spuiters lo bin reforza cu 2 pitcher internacional pa pone e muchanan di seleccion mira lansamentonan diferente y asina pone nan traha duro den nan etapa di preparacion competitivo final. Softball den pleno desaroyo!!!!

 

- Advertisement -

DUNA COMENTARIO

Please enter your comment!
Please enter your name here