Home Hudicial Sentencia no tabata dje malo ey pa e Boneriano

Sentencia no tabata dje malo ey pa e Boneriano

194
0
SHARE
- Advertisement -

Abogadonan defensor:

ORANJESTAD (AAN): Abogadonan Vito Carlo y Demis Illes a defende e Boneriano cu a tira mata den e caso di Wayaca y di nan banda tambe nan a duna nan reaccion di con e caso a bay riba su mes.

E tarea aki no tabata uno facil. Nan tin cu defende hendenan kisas cu a haci malo of a kita bida. Pero nan tin derecho di un abogado.

Vito Carlo a splica cu nan cliente di comienso a admiti loke a pasa y a arepinti. El a tuma su responsabilidad pa loke a pasa y esey a sosode tambe. El a haya su castigo.

Pa loke ta e contenido di e decision di hues, abogado Carlo no por a duna mucho riba e parti legal, mirando cu e no ta por escrito.

E defensa tabata hopi tecnico pero tambe huridico. E parti ey hues no a toca hopi ora cu el a duna su sentencia. Ta algo cu lo bay revisa despues.

Pa loke ta e castigo mes, si compar’e cu castigonan recien manera caso Drum na Boneiro, si no ta kiboca, e sospechoso principal, a haya 19 aña den caso den prome instancia y 17 aña den Hoge Beroep. Den e caso aki e persona a bay pa horta y cosnan a sali for di man. E cliente di Carlo y Illes, a conden’e pa a tira riba dos persona, di cual uno a fayece.

Mirando e circunstancianan y awor aki, e prome impresion cu tin ta cu e sentencia no ta dje malo pa e cliente. Mirando vooral cu a tuma e responsabilidad di loke a haci, cu si e tin cu sinta castigo e ta sint’e, basta cu e ta husto. Loke a preocupa e cliente for di comienso, ta cu el a wordo manipula pa e otro sospechoso. E otro sospechoso aki den e caso a tira tur culpa riba e Boneriano.

E delaster palabra cu e Boneriano tabata tin den e ultimo zitting, el a pone hopi enfasis riba cu el a haci malo, cual el a admiti. Pero no por ta asina esun cu a manipul’e pa haci esaki, ta sali liber. E cliente tin un alivio cu e sospechoso principal cu a planea tur cos, a manipula e cliente, a haya un castigo.

Na parecer di Carlo, e cliente ta alivia. Pa loke ta trata e cantidad di aña, ora di veredicto, sea ta hiba nan di biaha KIA pa rasonnan di siguridad, no a haya chens pa papia cu e cliente. Segun abogado Carlo, lo bay sinta cu e cliente pa mira ki decision e ta tuma. E abogadonan ta conseh’e, pero e tin e ultimo palabra.

Apelacion

Mirando e añanan cu el a haya, compar’e cu sentencianan recien di hof, na prome instante no ta consehando e cliente pa no apela. E defensa ta hopi huridico. Mester wak e sentencia di hues riba papel, pa por tuma un decision final, si ta bale la pena pa apela e caso. Pero na final di dia, ta e cliente ta tuma e decision. Ta su caso, ta su libertad, ta su añanan cu e tin cu sinta.

E chens

A pidi 25 aña y a bah’e na binti. Semper e chens ta cu si apela, e por subi, pero e chens tambe tey cu e por baha. E por bay ambos banda. Ta conseha e cliente a base di e sentencia y defensa y mira si tin posibilidad den hoge Beroep.

Por a evita

Si e otro sospechoso a planea esaki, no lo tabata tin un morto. Con cu bay bin, e Boneriano a haya 20 aña. Pero esun cu a orkestra henter esaki tambe a hay’e. Esaki tabata manipulacion, segun Demis Illis. Tin rapport ta bisa cu tabata manera un relacion di tata y yiu den tur esaki. Segun Illes, e contesta lo mester ta cu e lo por a evit’e, si e brain no tabata esun cu a manipula e cliente den esaki. Di un otro banda ta, cu tin cu drenta den pensamento di e cliente.

Envolvimento

Ta hopi evidente y hues den su sentencia, a mishi cu tur motibo pakico a yega na su decision. E impresion ta cu si tend’e, no ta ilogico e forma cu e acusacion a tuma luga.

Duda

Tabata tin caminda cu hues no a ni duda. Si el a scucha e sentencia, hues no a duda ningun rato y ta di opinion cu Steve a purba di saca su mes afo. Hues a bisa bon cla, cu e no ta kere Steve.

Na e momento aki ta conseha e cliente pa no apela. Pero na final di dia e cliente su decision. Pero basa di loke nan ta wak, como e castigo cu a dun’e, no ta parce desproporcional, mirando e caso. E castigo no ta uno desproporcional.

Defensa tabata uno teoretico huridico. Nada di mucho over di kico a pasa. Riba esey no a bin mucho dilanti ainda, pero e vonnis lo bisa, dependiendo kico e hues bisa, por ta por cambia di opinion ainda. Pero e ta keda toch algo teoretico y huridico.

 

- Advertisement -

DUNA COMENTARIO

Please enter your comment!
Please enter your name here