Home Labor SEPPA cu wowo riba Minister di Enseñansa relaciona cu independizacion di DPS

SEPPA cu wowo riba Minister di Enseñansa relaciona cu independizacion di DPS

38
0
SHARE
- Advertisement -

ORANJESTAD   (AAN): Por a mira cu despues cu cos a bay on hold pa loke ta DPS, e intencionnan di e minister ta continua pa otro areanan cu tambe tin di haber cu enseñansa.

Segun Magali Brito, secretario general di SEPPA, por corda e lucha toch cu e docente y e no docentenan, tur esnan cu ta bay bao di DPS, a hiba, pa mustra gobernantenan. Y ora cu ta papia di gobernantenan, no ta papia solamente di e minister, pero tambe ta papia di esnan den parlamento. E lucha cu nan a hiba pa mustra gobernantenan cu nan no ta di acuerdo cu e cambio cu lo kier bay introduci, esta di hinca scolnan publico bao di un stichting.

E lucha aki tabata uno basta exitoso. Ta asina cu despues di e coleccion di firmanan y ta papia coleccion di firma te na e momento cu e minister encarga a indica cu e lo pone e proceso aki un rato on hold. E momento ey tambe e grupo aki di trahado a stop di colecta e firmanan di tur esnan cu ta contra e baymento over pa e stichting.

Despues tabata tin intercambio bay bin entre e diferente scolnan y e parlamentarionan, kendenan di nan banda tambe a mustra cu si no tin e dragvlak di e trahadonan, di e docente y e no docentenan, nan tampoco lo apoya e minister den su intentonan pa trece e cambio aki, un cambio hopi grandi. Despues a haci entrega di e firmanan na tur esnan concerni pa mustra con grandi e preocupacion ta, con grandi ta e grupo di esnan cu ta opta pa no bay den e stichting, dado caso cu e minister sigui cu e plan aki.

Na final e docentenan toch a keda contento cu e apoyo cu nan a ricibi mediante di un mocion cu a pasa, aunke no ta un garantia total. Pero nan ta contento cu e mocion aki y cu awor aki ta sinti cu tin un trankilidad hopi mas grandi bao di e grupo di trahadonan aki, ya cu prome cu esaki tabata reina un tension enorme, cu tur esey ta dificulta dunamento di les, etc.

Pa e trahadonan tabata importante pa bin un claridad sigur prome cu Mei, pa motibo cu un gran parti di e trahadonan tambe a indica, cu dado caso si e minister sigui cu su intensionnan mes, nan no lo kier bay den e trayecto aki y nan lo a prefera di tuma otro decisionnan, en todo caso cu no ta sigui e direccion di e minister.

Si tin cu bisa cu tin un trankilidad, pero no ta kita afo cu tin un grupo ta preparando pa cualkier eventualidad y ta alerta pa sigui toch despues, via un otro bentana, purba di sigui cu e intensionnan.

Awor aki por mira cu minister kier sigui cu e grupo trai’merdia. Masha lihe mes e grupo aki a mustra nan preocupacion y nan a dirigi nan mes tambe na esnan cu lo ta representa e grupo di trai’ merdia den e discusionnan aki cu minister a lanta via un MB. El a lanta un comision y en principio ta papia di lantamento di un club escolar y no sa si esaki lo ta e nomber cu nan lo kier a duna. Pero a papia un cierto momento di stichting, despues a bisa cu ta un malentendimento. E idea ta simplemente pasa e grupo di trai’merdia bek den un departamento riba su mes, bao di directie onderwijs.

En principio ta mas bien riba un alerta cual ta e direccion cu ta di tuma. Ta di lamenta cu no tin representacion di e trahadonan, o sea cu SEPPA no ta den e comision aki. Pero no ta nada, lo sigui cu e trabaonan y ta keda riba un alerta pa loke ta trata e grupo di trai’merdia.

 

- Advertisement -

DUNA COMENTARIO

Please enter your comment!
Please enter your name here