Home Gobierno Serlimar ta bay Pos chikito ya cu edificio bieu ta den estado...

Serlimar ta bay Pos chikito ya cu edificio bieu ta den estado deplorable

251
0
SHARE
- Advertisement -

Minister Otmar Oduber :

Reacciona riba expresionnan di Booshi Wever

ORANJESTAD (AAN) — Refiriendo na e declaracion di Sr. Booshi Wever, un par di dia pasa, cu Serlimar ta mudando pa Pos Chikito pa complace un di e amigonan di Minister di Infrastructura, el a genera cierto reaccion di Minister Otmar Oduber.

El a expresa cu e mentalidad di esnan cu ta practica e tipo di politica aki ta vislumbra cu mester bin for di sr. Booshi Wever.

Riba esaki Sr. Otmar Oduber a puntualiza na cuminsamento, cu nunca e ta tuma decisionnan scondi y e discusionnan semper lo ta den un forma habri.

Berdad el a scucha Sr. Booshi Wever papia, net despues cu a bin for di reunion cu Serlimar hunto cu mas di 100 empleado di e compania, y esaki ta e di cuater biaha cu a wordo reuni hustamente pa evita cu e tipo di redonan aki por haya raiz.

Relaciona cu e localidad di Serlimar a sucede cu e edificio actual ta den un condicion deplorable, y den un bario cu yen di cas rond di dje.

Sr. Booshi Wever, den su tempo como minister nunca a zorg pa saca un hinder-verguning. Nada no a wordo regla tampoco, y e luga no ta cumpli mas cu e rekisitonan necesario anto mester traha un edificio nobo pero ta prefera pa muda.

Tur e comentarionan encuanto di e amigonan Aleman nada di esey no ta berdad.

Por ultimo Serlimar ta bayendo na Pos Chikito, ya cu edificio bieu di Serlimar ta den un estado deplorable. Mas adelante lo wak ki uso por dune si ta e caso. Tambe tin intencion pa evalua di bin cu un proyecto di reciclahe, den e edificio bieu di DTI, caminda nan tabata keur e autonan. Te asina leu, Sr. Otmar Oduber a reacciona riba e punto aki.

Pa loke ta e proyecto di dump, tur e decisionnan aki a wordo tuma no di awe sino di basta reunion caba, unda cu a combersa y splica e empleadonan riba e rapportnan cu a wordo traha na un forma habri, unda cu esun cu a aconseha pa bay den Bouldin & Lawson den pasado, awe ta conseha pa no bay den esaki anto riba esaki Minister Oduber ta kere cu Sr. Booshi Wever ta esun cu ta contradeci su mes pasobra cu minister ta usando e mesun consehero di Sr. Booshi Wever y no un cu por tin un opinion di banda di e Minister.

Incluso Minister ta splica cu e decision den pasado por tabata uno bon siendo cu ta papiando di 12 aña pasa riba e situacion aki. E cantidad di hendenan y e cantidad di sushi, tur cos a cambia drasticamente den e ultimo temponan.

P’esey Minister a bisa den e proceso cu nan ta studia tur e posibilidadnan. E no a exclui ningun.

El a instrui e Management Team di Serlimar pa reuni cu e hendenan di Bouldin & Lawson pa un siman largo. Nan a traha un rapport pa haya e instruccion riba kico lo mester pa por inverti di nobo pa por produci y kico e por produci.

Bouldin & Lawson mes a participa na e di Request for Informacion. Esaki ta un di e 21 gruponan cu a participa den esaki. Sr. Oduber ta sigui bisa cu e ta esun cu a habri e destaho, unda cu a inicia cu e prome fase di informacion pa no laga afo nigun hende. Naturalmente pa percura pa por tin un bista mas cla cu e responsabilidad den parti financiero pero tambe riba kico comunidad ta bay mas comodo cun’e.

No tin ni un grupo ainda cu a wordo menciona cu a gana e destaho siendo cu esaki no a tuma lugar ainda. Loke si a tuma lugar, tabata un Request For Information, anto ta considera un falta di respet caminda cu tur experto a participa den e Task Force tecnico incluso e ultimo consehero di Sr. Booshi Wever, cu tambe ta aden hunto cu expertonan di WEB, entre otro, y via di un destaho publico.

- Advertisement -

DUNA COMENTARIO

Please enter your comment!
Please enter your name here