Home Parlamento “Si no logra solucionnan structural pa AZV, nos lo sigui ‘carga awa...

“Si no logra solucionnan structural pa AZV, nos lo sigui ‘carga awa hiba lama'”

96
0
SHARE
- Advertisement -

Parlamentario Endy Croes

ORANJESTAD (AAN): Parlamentario Endy Croes a elabora riba tema di AZV, cu ta conoci pa ta un di e instancianan cu ta costa pueblo hopi placa. Siman pasa, politiconan opositor a cuminsa grita riba rapportnan cu tin 30 miyon di mas.

E parlamentario a trece e rapport, cu ta consisti di diferente parti, un di nan ta conclusion di Raad van Commissaris; e di dos parti ta un rapport di e directiva; e di tres ta conclui e parti financiero; y e di cuatro parti ta conclusionnan di un accountant externo cu ta controla tur cos.

Segun e parlamentario ta hopi interesante pa ilustra cifranan di PricewaterhouseCoopers, por mira cu AZV a costa den 2017, por lo menos 408 miyon florin, y si esaki sigui nan ta calcula cu esaki lo yega na 2021, durante gobernacion aki, na 478 miyon florin. Si compara esaki cu cifranan di 2013, e tabata costa 350 miyon. Loke e kier splica ta cu si nan no haci nada, por ta den cambio di ley, of trece expertonan hunto pa busca solucionnan structural pa AZV, nos lo ‘carga awa hiba lama’.

E parlamentario a bisa cu loke gobierno anterior a haci, pasobra nan tambe a pasa den e problema aki, nan a dicidi y core campaña cu nan lo elimina BBO, pero na caminda nan no por a wanta e presion, y nan a introduci riba 1 di Juli 2014, 1% di B-AZV, pa esaki bay directo na caha di AZV. Dia 8 di Juli 2015, nan a bolbe introduci un otro 1%, pasobra e ley ta skirbi di tal manera cu AZV, cu asina inscribi den Censo, bo tin derecho riba AZV. Y no matter what, e gastonan ta, e diferencia cu tin pa AZV cera nan ‘caha’ fin di aña, Gobierno mester percura p’e.

Creando e B-AZV, cu ta genera placa cu pueblo ta contribui, berdaderamente a baha, y den rapport ta bisa cu e medida tabatin un efecto grandi. Pero e rapport ta enfatiza cu e cifranan lo aumenta den siguinte añanan. Y parlamentario Croes ta convenci cu mester tuma medidanan contra esaki.

- Advertisement -

DUNA COMENTARIO

Please enter your comment!
Please enter your name here