Home Labor Sindicato, Director y Minister tur ta ausente pa e trahadornan di Arubus

Sindicato, Director y Minister tur ta ausente pa e trahadornan di Arubus

41
0
SHARE
- Advertisement -

Tin fuerte indicacion:

ORANJESTAD (AAN)—E situacion di Arubus no ta parce cu tin un solucion. No solamente e problema di busnan den mal estado, e situacion di calor sofocante den cual e chofernan tin cu core bus y cu ta afecta nan y nan pasaheronan enormemente, pero nan posicion laboral cu tampoco nan ta mira un adelanto.

No solamente tin un grupo di chofer cu no a haya aumento di salario pa tres aña largo, specificamente esnan cu tin mas di 15 aña den servicio, debi cu e poco atencion di e sindicato ta mas tanto pa e chofernan mas hoben.

E CAO ta pendiente for di December caba pa wordo renova pero e trahadornan no ta scucha nada di e sindicato STA. Mucho papiamento pero ningun accion. Mientras tanto, no ta solamente e trahadornan ta mira e ausencia di e sindicato pa defende nan interesnan pero no tin idea unda e director ta, y e minister no a acerca e compania mas ni a papia cu e trahadornan ni mes, segun informacion yega na nos redaccion.

LUNANAN DI HOPI AO:

Un di e problemanan mas grandi cu e falta den airco den e busnan ta cu durante Juli te September, y mitad di October ongeveer, hopi chofer ta bira malo y ta conoci cu tin hopi AO e temporada ey, cu ta esun di horcan.

Gran deseo di e chofernan, logicamente ta, pa nan haya e busnan nobo cu airco alomenos prome cu Juli drenta, pero manera nan ta mira e desaroyo den e compania nan no ta kere cu esey lo ta e caso.

Tin indicacion cu riba e tereno sindical, no Arubus so pero otro empresanan ta sin falta di e lidernan berdadero manera un Anselmo Pontilius tempo cu FTA tabata den su apogeo, como tambe di SEPPA pa pone dos ehemplo. Aworaki nan ta sinti cu e sindicatonan tin otro interesnan mas no e trahador como entidad central. Esaki ta un sentimento cu diferente trahador di sector priva, como empresanan NV manera Arubus, ta comenta na nos redaccion.

Voraal varios trahador di Arubus ta haya cu Sindicato, Director y Minister di Transporte ta completamente ausente pa atende e problemanan cu tin den e compania, specialmente encuanto e servicio mes di transporte publico cu no ta conta cu e condicionnan pa e chofernan y e pasaheronan sinti nan mes confortable.

- Advertisement -

DUNA COMENTARIO

Please enter your comment!
Please enter your name here