Home Labor Sindicato lo haci su entrada den companianan estatal

Sindicato lo haci su entrada den companianan estatal

12
0
SHARE
- Advertisement -

Rene Bernabela di sindicato TOPA:

ORANJESTAD (AAN)– Saliendo for di e punto di bista cu trahador na Aruba tin su derecho aunke ainda tin e cultura di miedo cerca e trahadornan y cu ILO ta describi cu tur trahador tin derecho mundialmente pa haya un representacion di un sindicato na pia di trabou, Sr. Bernabela di Sindicato TOPA a elabora riba esaki.

Den companianan grandi di gobierno ta purba tene sindicato afor pasobra tin cos di sconde. Esaki ta loke TOPA no lo acepta, el a laga sa.

Si sindicato ta drenta, nan kier sinta papia y dialoga cu gerencia pasobra nan kier sali na defensa di e trahado na pia di trabou. Si ta e caso cu tin problema cu trahador, nan tin e deber pa acerca  sindicato pa bin representa nan y gerencia mester ta habri pa scucha sindicato pa yega na un solucion satisfactoria pa logra un ambiente di trabou aceptabel, el a laga sa..

Segun sr. Bernabela, e opcion di purba tene sindicato afo di compania estatal di gobierno no lo bay resulta ya cu dia pa dia, esaki ta haci su entrada.

Sindicato dia pa dia ta haci su entrada y ta keda insisti pa trahador por haya e representacion cu mester na pia di trabou unda ningun compania estatal por stroba esaki pasobra esaki ta contempla den ley mundialmente.

Tambe mester bin un transparencia unda cu mayoria di companianan ta keda warda nan buki di cifra contable pa por tin e excusa pa despues bisa cu nan no tin placa y cos ta malo. Pero esaki no por tuma luga tur ora di banda di e trahador cu ta pone su esfuerzo tur dia pa haci e trabou manera mester ta.

Riba esaki mester bin un fairshare pa e trahador unda no por ta cu gerencia si por biba na grandi cu entrada financiero grandi pero ora ta papia di e trahador no tin cen ni miho condicion.

Pero si ta exigi y pone mas presion riba e trahador y esaki mester cambia cu transparencia specialmente den e companianan estatal pasobra con cu bay bin sindicato lo haci su entrada pa defende trahador, segun declaracionnan di Sr. Rene Bernabela, di Sindicato TOPA.

 

- Advertisement -

DUNA COMENTARIO

Please enter your comment!
Please enter your name here