Home Policial Sr. Rocco Tjon celebrando “police week” y conmemorando Tino Ruiz

Sr. Rocco Tjon celebrando “police week” y conmemorando Tino Ruiz

155
0
SHARE
- Advertisement -

ORANJESTAD(AAN)—-  Riba 15 di mei  ta celebra y duna homenahe na agentenan policial cu diariamente ta riesga nan bida pa asina percura pa seguridad den nos comunidad.

Esaki ta un iniciativa di Presidente Kennedy, cu a proclama na 1962, 15 di mei como “Peace Officers Memorial Day” y e siman cu e dia special aki ta cay aden, como “Police Week”. Mundialmente ta celebra e siman aki, incluyendo Aruba.

Segun Sr. Rocco Tjon MBA, lider di fraccion di MEP, Ta importante pa para keto y reflexiona riba e sacrificionan y responsabilidad cu e gran personanan aki ta tuma riba nan mes, cu ta dicidi di proteha nos pais, cu ta pone nan mes den posicionnan vulnerabel, y cu tur dia ta lanta y bisti nan uniform pa asina sirbi nos pueblo. “Orguyosamente mi a forma parti di e famia di nos Cuerpo Policial y mi sa cu e trabou di e agentenan policial no ta un tarea facil, pero uno sigur hopi respeta y admira.

“E aña aki “Police Week” tin un balor sentimental mas grandi.  E grupo di agentenan policial Arubano, representando Aruba na Merca, lo recorda nos amigo cu a bay laga nos aña pasa, Tino Ruiz. Tino a perde su bida sirbiendo su pais. Esaki ta e realidad amargo di e riesgo di e trabou noble aki.

Tino Ruiz a bira un simbolo pa Cuerpo Policial. P’esey e mocion pa traha un herdenkingsmonument, den un parke recreacional pa personanan cu ta traha den husticia, ta uno cu seguramente mi lo percura pa bira un realidad.

“Mi kier segura tur agentenan policial, cu gran certitud, cu boso trabou ta wordo grandemente aprecia y cu nos ta orguyoso di tin boso protehando nos dushi isla”, sr. Tjon a laga sa.

- Advertisement -

DUNA COMENTARIO

Please enter your comment!
Please enter your name here