Home Policial Su cartera ta wanta cu cadena na su carson y tog ladron...

Su cartera ta wanta cu cadena na su carson y tog ladron a bay cune

120
0
SHARE
- Advertisement -

ORANJESTAD (AAN): Tabata Diamars anochi banda di 11:25 pm, cu un persona a cana drenta na Warda di Polis na Oranjestad.

E ciudadano a bisa, cu e mesun dia ey, hende desconoci a logra horta su Smartphone.

El a bisa cu tabata banda di 2’or di madruga, el a bay na e Parada di Bus Chikito cu ta banda di edificio di Doña Clara den Wilhelminastraat.

Ey e tabata sinta riba e stupi di edificio di Doña Clara ta warda Bus.  E tabata hopi cansa y pesey a pega soño.  El a declara cu el a dal par di drinks.

Banda di 3:30 am, el a wordo lanta door di un trahador cu ta haci caya limpi.  E ora el a bay check, y den su saco di carson unda e tabatin su Samsung J5 Pro color preto, e smartphone no tey mas.

Ademas di esey, el a check su saco di carson banda patras, y a descubri cu su cartera tambe a somenta!

E cartera tabata mara na su carson cu un cadena!  Asina mes nan a bay cu e cartera!

Den e cartera e tabatin 900 Florin, un zorgpas di AZV, dos ATM-Card di RBC Bank, un Bancomatico di CMB Bank, cedula di Aruba, rijbewijs di Aruba, y Pricesmart Membership Card.

Polis a tuma denuncia di e ciudadano.

 

- Advertisement -

DUNA COMENTARIO

Please enter your comment!
Please enter your name here