ORANJESTAD (AAN)– Super Food Plaza Cares Program a haci entrega di un cheque na valor di Afl. 38.223,53 na Fundacion Autismo Aruba. E cheque a ser otorga pa marketing manager di Super Food Plaza, Sr. Rudy Richardson y a ser ricibi pa Sra. Thaisse Erasmus, representante di e fundacion. Cu e donacion aki e fundacion por logra haci mas pa esnan cu ta biba cu autismo na Aruba.
Super Food Plaza kier a gradici su clientenan cu ta sigui duna na e programa aki pa asina yuda fundacionnan cu ta esencial pa nos comunidad. Cu un donacion minimo di Afl. 1.75, e cliente tambe ta participa pa gana uno di tres premionan semanal cu ta ser rifa.
Actualmente ta recaudando fondo pa Aruba Birdlife Conservation. E fundacion aki ta traha pa proteha y conserva e naturaleza di Aruba cu merece nos atencion. Super Food Plaza ta spera di por conta ariba apoyo di su clientenan pa yuda e fundacion aki tambe.
