Home General Ta bay busca forma pa awa di lama por yega bek pa...

Ta bay busca forma pa awa di lama por yega bek pa e saliña di Santo Largo

51
0
SHARE
- Advertisement -

ORANJESTAD (AAN): Por mira cu door di e cambionan haci na e infrastructura cu a tuma luga na e Saliña na Santo Largo, e awa di lama no ta yegando facilmente mas.

Consecuencia di esaki ta cu e Saliña ta muriendo.

Danilo Prescott di Bureau City Inspector, a mustra cu aworaki ta investigando e forma pa sinta cu DOW pa traha un plan pa mas awa di lama por yega akinan, y check unda cu supuestamente tin un canal pa esaki. Bureau City Inspector ta den contacto cu otro departamento ariba esaki caminda cu por ta hustamente e canal sea e ta sushi of e ta blokia.

E intencion ta pa bay sinta cu e departamento concerni pa wak si en berdad e canal aki ta habri y si e awa ta pasando. Si esey no ta e caso ta bay procede haci esaki limpi. Tin sushi tambe den e saliña y esaki ta nifica cu e awa no ta drentando suficiente. E sushedad ta yegando unda e no mester yega, y e no ta bayendo Parkietenbos .

Esaki ta afecta naturalesa y kisas por bay pone piedra. Pero a ripara cu Aruba pone borchi no ta funciona. Un biaha na Pos Abao, a pone un borchi di NO TIRA SUSHI, e dia siguiente e personanan, di mala fe, a tira sushi ariba e borchi.

Sr. Danilo Prescott, di Bureau City Inspector, a finalisa bisando cu na Aruba mester cambia e mentalidad y cuminsa cuida y proteha nos naturalesa.

 

- Advertisement -

DUNA COMENTARIO

Please enter your comment!
Please enter your name here