Home Enseñanza Tin descontento hopi grandi cerca candidatonan cu a haci examen di Papiamento

Tin descontento hopi grandi cerca candidatonan cu a haci examen di Papiamento

34
0
SHARE
- Advertisement -

ORANJESTAD  (AAN): — Riba 22 di Mei ultimo alumnonan di MAVO schoolnan na Aruba a traha Examen di e materia Papiamento.

Tin un grupo grandi di candidato cu a haci examen di a materia (vak) Papiamento cu tin un descontento hopi grandi den e examen. Un alumno di un MAVO School na San Nicolas a tuma e iniciativa pa por bin dilanti y demostra su mal contento.

Ta aki unda cu e alumno aki a comparti un mensahe rond entre e hobennan di su scol pero tambe cu hopi otro MAVO schoolnan na Aruba. E mensahe aki a trece un union grandi den mayoria di studiante na Aruba cu a haci e examen di Papiamento pa motibo cu tin mesun pensamento cu e hoben aki.

E hoben aki lo tene un accion di firma pa asina demostra cu no ta e so ta di opinion cu “e examen tabata mucho largo pa e tempo stipula pa trahe” pero cu tin mas studiante tambe cu ta comparti mesun opinion. E hoben lo manda hunto cu e accion di firma un carta cu ta stipula nan preocupacion na Inspectie van Onderwijs.

Con pa firma?

– Mester ta alumno di un MAVO school.

-Mester tin e materia di Papiamento den su profiel.

-Mester a haci e examen riba 22 di Mei 2018. (Mester cumpli cu tur exigencia pa por ta un firmante)

Riba diabierna 25 di Mei e hoben lo ta dilanti Joe Laveist na San Nicolas pa 10:30 di mainta y ta warda tur esnan cu lo kier participa den accion aki yega y basha firma.

Pa esunnan di pabou di brug lo tin un persona indica pa por cubri esaki tambe.

 

 

- Advertisement -

DUNA COMENTARIO

Please enter your comment!
Please enter your name here