ORANJESTAD (AAN): Riba peticion di Central di Polis, patruya Oranjestad a wordo dirigi diamars mainta tempran den Caya Betico Croes pa un choller fastioso.
Na altura di Wulfsen & Wulfsen, patruya a wordo aserca y poni na altura pa un señora cu ta traha pa DOW cu un choller a saca saco di sushi for di den baki sushi y a benta esaki na suela.
E señora suministra descripcion di e choller y a resulta cu tabata trata di e choller conoci como Chris Geerman.
Na altura di Maria College patruya a topa Choller Chris y el a wordo atendi debido relaciona cu e acto y su comportacion.
Pero anochi central di polis a dirigi patruya Oranjestad na “APFA” ( Algemene Pension Fonds Aruba ) relaciona cu destruccion. E unidad di polis cu a presenta y e chief of staf cu ta e homber di inicial L. a declara na e agentenan cu un homber desconoci pa su persona mas biaha a habri cranchi awa intencionalmente pa awa core.
Ademas L . a sigui declara cu den pasado e homber desconoci lo a destrui e candal di e cranchi y a laga esaki habri cu consecuencia awa a core pa su cuenta.
L. Chief of Staf , a laga polis wak imagennan capta pa camara di seguridad di esun cu ta comete e acto criminal aki y polisnan a reconoce e conocido choller Christopher Geerman conoci como “Chris”.
L. a declara cu e tal “Chris” aki intencionalmente e dia encuestion na dos ocacion a habri e cranchi, mainta pa 7 or y 20 y durante oranan di anochi pa 9 or y 15. Agentenan policial a notifica L. pa e acudi na despacho di recherche pa entrega denuncia oficial.
Choller “Chris” luna pasa a cumpli 32 aña. Sere lo no yud’e pero si laga interna pa su adicion por bini cambio den su comportacion.
Hopi jammer di Diario con nan ta yama Chris un choller. Chris tin schizofrenie pesey e ta asina. Su señora mama (q.e.p.d) a lucha hopi cune. Te dia cu la bira malo y fayece. Hopi jammer na Aruba no tin niun luga pa yuda personanan cu psychosis manera Chris tin.